Thatësira e përkeqësuar nga valët e përsëritura të të nxehtit ka detyruar Francën të vendosë kufizime të përdorimit të ujit në pothuajse 70% të territorit. Ministria franceze e Tranzicionit Ekologjik ka paralajmëruar se ndryshimet klimatike po shtojnë presionin mbi burimet ujore.
Sipas raportimeve nga mediat e huaja, më 9 gusht të gjitha 99 prefekturat e Francës metropolitane ishin të paktën në nivelin e gatishmërisë, ndërsa 67 prej tyre ndodheshin në nivelin më të lartë të krizës. Në këtë fazë, uji rezervohet kryesisht për nevoja prioritare si furnizimi me ujë të pijshëm, shëndetësia, siguria civile dhe higjiena publike.
Kufizime janë vendosur gjithashtu për ujitjen e kopshteve, mbushjen e pishinave, larjen e makinave dhe ujitjen e kulturave bujqësore. Autoritetet pritet të zhvillojnë një takim të posaçëm të mërkurën për të diskutuar masat ndaj krizës së thatësirës.
