Rusia e ka cilësuar emërimin e ish ministrit ukrainas të Mbrojtjes, Mykhailo Fedorov si këshilltar në Ministrinë italiane të Mbrojtjes si “qesharak”.
“Emërimi është shumë qesharak dhe i denjë për një rrëfim satirik nga Gianni Rodari”, tha zëdhënësja e Ministrisë së Jashtme ruse, Maria Zakharova.
Ministri italian i Mbrojtjes, Guido Crosetto reagoi ndaj komenteve të zëdhënëses ruse, duke deklaruar se:
“E kuptoj që ata do të preferonin që vendimet për Italinë të merreshin nga dikush që konsultohet më parë me Moskën, por për momentin nuk është ende kështu, dhe ne po mendojmë vetëm për Romën, jo për Moskën, Kievin apo Uashingtonin.
Megjithatë, ka diçka pozitive: nëse e keni lexuar Rodarin, gjë që dyshoj, do ta keni kuptuar se nuk duam të përfundojmë si miu që hëngri macet, dhe për këtë arsye nevojitet edhe përvoja në terren. Por dyshoj se ju ose bashkëqytetarët tanë, të cilët donit t’i vinit në lëvizje me mesazhin tuaj, do të donin ta pranonin atë, sepse do të na bënte të dobët dhe të pambrojtur.”, tha ai.
