Rindizet vatra e zjarrit në Çerrilë të Mallakastrës, ku zjarrfikësit po punojnë për vënien nën kontroll të flakëve.

Sipas informacioneve nga terreni, zjarri ka përfshirë një sipërfaqe pyjore me pisha, ndërsa ndërhyrja po kryhet në një terren të thepisur dhe me bimësi të dendur, duke e vështirësuar operacionin.

Kjo është vatra e tretë e zjarrit e shfaqur në Çerrilë brenda pesë ditëve, duke rritur shqetësimin për përhapjen e flakëve në zonën pyjore.