Këshilltari i presidentit rus Vladimir Putin, Nikolai Patrushev, ka kërcënuar Poloninë me përdorimin e të gjithë potencialit ushtarak të Rusisë në rast të një konflikti të armatosur mes dy vendeve.
“Nëse Polonia hyn në luftime kundër Rusisë, vendi ynë do të përdorë të gjithë arsenalin e forcave dhe mjeteve që ka në dispozicion dhe Varshava do të pushojë së ekzistuari brenda dy ose tri ditësh”, deklaroi Patrushev.
Deklarata e ish-sekretarit të Këshillit të Sigurisë së Rusisë u bë në një intervistë për gazetën ruse “Arguments and Facts” dhe u transmetua edhe nga agjencia shtetërore TASS.
Patrushev nuk specifikoi se çfarë nënkuptonte me përdorimin e “të gjithë arsenalit të forcave dhe mjeteve”. Ai gjithashtu nuk iu referua drejtpërdrejt armëve bërthamore, megjithëse Rusia zotëron një prej arsenaleve më të mëdha bërthamore në botë.
