Policia greke gjobiti 12 shqiptarë me 300 euro gjobë secilin në KTEL Kifissos, në kuadër të masave të marra për kufizimin e udhëtimeve të panevojshme për shkak të koronavirusit.
12 shqiptarët u kapën duke udhëtuar pa pasur lejen e nevojshme për në Igumenicë dhe prej andej do të shkonin në atdheun e tyre, shkruan gazeta greke iefimerida.gr.
Ata thanë tek Autoritetet e Policisë se ishin punëtorë në Mykonos dhe se donin të shkonin në vendin e tyre, në Shqipëri. Policia i zbriti të gjithë nga autobusi, u konfirmoi gjobën dhe urdhëroi largimin e autobusit për në Igumenicë pa asnjë pasagjer.
Media greke shkruan se vihet re se ditët e fundit, edhe pse është e ndaluar lëvizja për shkak të coronavirusit, trafiku në KTEL Kifissos është rritur pasi nga çdo cep i Greqisë vijnë në Athinë me produkte nga fshati, për Pashkët, e cila këtë vit për shkak të kushteve do të jetë krejtësisht e ndryshme.
