8 bashki nderohen me çmime dhe vlera monetare

06/12/2017 - 16:41

   Tetë bashki kanë fituar çmime për praktika të mira në qeverisjen vendore në kuadrin e nxitjes që Ministria e Brendshme dhe Ambasada e Zvicrës i japin bashkive të reja për zbatimin e Strategjisë së Decentralizimit dhe konsolidimit të Reformës Administrative Territoriale. Konkursi u organizua nga Ministria e Brendshme dhe “Programi për Decentralizim e Zhvillim Vendor” (DLDP), që zbatohet nga “Helvetas Swiss Intercooperation” dhe financohet nga Qeveria Zvicerane.

Një çmim në total prej 30,000 frangash zvicerane iu dha 5 bashkive (Vau i Dejës, Lezhë, Sarandë, Korçë, Vlorë). Ndërsa, katër çmime me nga 5,000 franga zvicerane u fituan nga bashkitë: Shkodër, Mat, Korçë dhe Fier, të përzgjedhura si praktikat më të mira në nivel rajonal. Një çmim i veçantë si “Vlerësim nga Shoqëria Civile për Praktikat e Mira të Bashkive” i shkoi Bashkisë Vlorë. Praktikat fituese përfshinin shërbime të përmirësuara turizmi, zyra me një ndalesë, qendra për qytetarë me aftësi të kufizuara, si dhe informimi e komunikimi për qytetarët.

Të pranishëm në këtë ceremoni ishin Zëvendëskryeministrja e Shqipërisë Senida Mesi, Ambasadori i Zvicrës në Shqipëri Christoph Graf, Kryetarë dhe përfaqësues të Bashkive, përfaqësues nga institucione qendrore e organizata të huaja, donatorë të ndryshëm etj.

Gjatë ceremonisë u paraqit edhe Raporti i Monitorimit të Procesit të Decentralizimit – një punë e kryer nga Programi zviceran për Decentralizim e Zhvillim Vendor (DLDP), i cili tregon mbi ecurinë e decentralizimit dhe përshkruan nivelin e arritjeve apo të sfidave që ndeshen në këtë proces.  Sipas Raportit, rezulton një rritje prej 19% krahasuar me vitin 2016-të e transfertës së pakushtëzuar për qeverisjen vendore nga buxheti i shtetit. Nga ana tjetër, të ardhurat e Bashkive nga taksat dhe tarifat vendore, janë rritur me 28% krahasuar me të njëjtën periudhë të një viti më parë.

Konkursi Kombëtar i Praktikave të Mira nga qeverisja vendore ka si qëllim pikërisht evidentimin e përpjekjeve të bashkive për t’iu përgjigjur sfidave që kanë dalë nga zbatimi i reformave, dhe shpërblimin e disa prej nismave më të mira prej këtyre bashkive. I zhvilluar për të dytin vit radhazi, ky Konkurs synohet të kthehet në një traditë që nxit ndërveprimin mes niveleve të qeverisjes dhe mbështet performancën e Bashkive.

/portali DurresLajm/

Na bëni like në facebook!: 

Lajme nga e njëjta kategori

Ministri i Jashtëm, Ditmir Bushati deklaroi se pas ngjarjes në Bularat, Shqipëria ende nuk ka mbyllur listën për shpalljen e personave të

Presidenti Ilir Meta i ka dhënë këtë të hënë nënshtetësinë shqiptare Jeanine Eliane Marize Sylviane Girault Muselier, motrës së Mbretëres

Teksa banesat e bizneset e tyre pritet të prishen për shkak të projektit, banorët e Unazës së Re në Tiranë, kanë përshkallëzuar protestën

Nuk kanë të ndalur djegiet e automjeteve në qytetin e Durrësit.

Radhë kilometrike janë krijuar në pikën e kalimit kufitar të Kakavijës.

Zv.ministri i Brendshëm Sandër Lleshi, me kompetencat e ministrit, zhvilloi një takim blic në drejtorinë e Policisë së Tiranës.

Gjeneral Sandër Lleshi i është drejtuar me shkrim Presidentit të Republikës, duke e njoftuar atë se heq dorë nga përfitimet e vendimit të

Pas akuzave të Partisë Demokratike të bëra gjatë ditës së sotme për projektin e “Unazës së Re”, ka reaguar Autoriteti Rrugor Shqiptar, i

Mediat në Itali i kanë bërë jehonë lajmit të ndalimit të Doktorit të Shkencave Dritan Shoraj, pedagog në Fakultetin Ekonomik, duke pasuru

Lulëzim Topçiu është një prej inxhinierëve të parë të elektronikës në vend, por edhe një prej inxhinierëve që prodhoi televizorin e parë