Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Aksioni i lirimit të hapësirave publike në Durrës zbret në shëtitoren “Taulantia”: Nuk ka tolerime! (VIDEO)

07/05/2018 - 17:27

Katër titullarë të drejtorive në varësi të Bashkisë së Durrësit kanë deklaruar të prerë, heqjen e të gjithë objekteve që kanë zaptuar shëtitoren "Taulantia" në Durrës.

Policia Bashkiake e mbëshetur nga Inspektoriati Ndërtimor Urbanistik, Drejtoria e Mirëmbajtjes së Rrugëve dhe Ndërrmarrja e Shërbimit Komunal, e kanë nisur aksionin e lirimit të hapësirave publike për qytetarët nga sheshi Sfinksi, me largimin e të gjitha tavolinave të vendosura në trotuarë nga ana e pronarëve të lokaleve aty pranë.

Vasip Çopa, kreu i Policisë Bashkiake, deklaroi se ka një numër të madh ankesash nga ana e qytetarëve të Durrësit për zënien e shëtitores e të rrugëkalimeve të destinuara për qytetarët, që kanë ndërruar adresë, nga zaptuesit e paligjshëm.

Çopa tha se ankesat kanë të bëjnë me ndotjen akustike që vjen nga lodrat çdo sezon veror.  

Aljon Hysko, Drejtori i Mirëmbajtes së Rrugëve ju bëri apel subjekteve të internetit apo telefonisë të ndërhyjnë sepse do të heqë çdo tel e kabull nga shëtitorja, të cilat janë  bërë si rrjetë merimange.

Ardian Halili, kreu i Inspektoratit Ndërtimor Urbanistik në daljen e parë publike tha se qëllimi është që të largohen lodrat nga sheshi, të cilat janë bërë burim shqetësimi.

Edhe Shpëtim Hidri i Ndërrmarrjes Komunale tregoi mbështetje për aksionin.

Në shëtitoren bregdetare në Durrës nuk kishte mbetur asnjë hapsirë e lirë. Në një krah pronarët e lokaleve i shtrinin tavolinat e karriget deri në trotuar. Në krahun tjetër tezgat me lloj-lloj ambulantësh që kishin zënë trotuaret.

E si të mos mjaftonte zënia e hapësirave, lodrat e vendosura në pjesën më të madhe të sheshit lëshonin muzikë me zë të lartë në garë se kush do të vendoste zërin me të lartë e më të fortë.

Vendosja e lodrave, ambulantëve, karrigeve e tavolinat si dhe vazot e luleve që ndajnë kufijtë e lokaleve, ju kishin rrëmbyer jo vetëm qetësinë atyre që i drejtoheshin detit por ishte bërë pengesë për banorët e zonës.

Aksioni javës tjetër do të vijojë në plazhin e madhe të Durrësit, Shkëmbi i Kavajës dhe Gjiri i Lalëzit.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Një lagje e re pritet të nisë të ndërtohet në Ishëm, për personat e mbetur pa shtëpi nga tërmeti.

Ministrja Ogerta Manastirliu njofton se tashmë në Shqipëri numri personave që ka marrë vaksinën kundër koronavirusit, ka shkuar në 600 mi

Ministria e Shëndetësisë ka raportuar se në 24 orët e fundit në vend janë kryer 1952 testime, nga të cilat kanë rezultuar 57 raste poziti

Një tragjedi ka ndodhur në familjen Haliti nga Gjilani i Kosovës, me banim në Gjirin e Lalëzit.

Qendra Spitalore Universitare ka reaguar pas ndarjes nga jeta të tre familjarëve nga Gjilani si pasojë e helmimit.

Pas ngjarjes së rëndë që ndodhi në Gjirin e Lalzit, ku një familje me tre anëtarë nga Gjilani i Kosovës humbën jetën pasi konsumuan kërpu

Kjo është shtëpia e familjes Haliti në Gjirin e Lalëzit, ku ata po qëndronin prej ditësh.

Policia e Durrësit ka zbuluar një rast të kultivimit të bimëve narkotike në një shtëpi të marrë me qira.

Kjo është fotoja e fundit e familjes Haliti nga Kosova, Elfetja, Afrimi dhe Ferzinaze humbën jetën si pasojë e konsumimit të kërpudhave t

Mot i kthjellët me vranësira të lehta dhe kalimtare në të gjithë vendin gjatë gjithë ditës së diel.