Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Ceremonia e varrimit që infektoi Shkodrën

05/04/2020 - 21:49

Shkodra është vatra më e nxehtë e përhapjes së koronavirusit pas Tiranës. Aktualisht në këtë qytet numërohen 38 të prekur dhe një person humbi jetën.

Të infektuarit u përkasin 2 lagjeve Kiras dhe Dobraç ku përhapja e virusit ka qenë me ritme të shpejta.

Por si u bë papritmas Shkodra një zonë e kuqe në hartën e përhapjes së Covid-19?

Gjithçka filloi në një ceremoni varrimi në një familje në lagjen Kiras.

Edhe pse vendi kishte të paktën 10 ditë që ishte futur në karantinë dhe nuk lejoheshin grumbullimet masive të njerëzve, në mënyrë krejt të papërgjegjshme në këtë ceremoni të zhvilluar në mes te marsit, kanë marrë pjesë një numër i konsiderueshëm personash.

Një prej të pranishmëve, një vajzë, ishte kthyer pak ditë më parë nga veriu i Italisë ku ishte prekur nga koronavirusi, por nuk kishte shfaqur simptoma dhe nuk ishte në dijeni.

Aty ajo ka infektuar një grua, e cila ia ka përcjellë më pas familjes së saj, përfshirë edhe fëmijëve.

Dy javë pas ceremonisë janë konfirmuar si të infektuar të 6 anëtarët e familjes. Ndërsa sot, në Kiras, të prekurit janë 28, të gjithë nga i njëjti burim.

Nga ceremonia e Kirasit e ka burimin edhe vatra tjetër e të infektuarve, në lagjen Dobraç.

Ka qenë një prej pjesëmarrësve në varrim që e ka përhapur tek të paktën 9 persona të tjerë.

Edhe gruaja 80-vjeçare që humbi jetën në lagjen Draçin dyshohet se ka qenë pjesë e zinxhirit të të infektuarve nga Kirasi.

Papërgjegjshmëria e këtyre individëve që thyen rregullat e karantinës e ka shndërruar Shkodrën një prej zonave më të rrezikuara nga pandemia.

Por krahas shkeljes se ligjit nga ana e tyre, shqetësues është mos zbatimi i ligjit nga policia e Shkodrës. Policia duhet të kishte ndërhyre për mos lejuar zhvillimin e ceremonisë me pjesëmarrjen e personave të tjerë, siç ka ndodhur deri tani në të gjitha qytetet e tjera të vendit, pasi grumbullimet e tilla ishin të ndaluara kategorikisht me akt normativ, si rrezik për përhapjen e infeksionit.

/portali DurresLajm/

Na bëni like në facebook!: 

Lajme nga e njëjta kategori

Bashkia e Durrësit ka hapur ditën e sotme një tjetër tender të rëndësishëm me një vlerë të konsiderueshme 87,006,741.00 lekë të reja, ndë

Prej disa ditësh, situata e menaxhimit të mbetjeve urbane në qytetin e Durrësit dhe rrethinat e tij paraqitet mjaft kritike.

Këshilli i Bashkimit Europian u ka dërguar një letër më datë 5 maj të gjithë vendeve anëtarë të BE-se para mbledhjes së sotme me ministat

Të gjithë shqiptarët që tashmë e kanë marrë dozën e dytë të vaksinës, mund të pajisjen me pasaportën e gjelbër.

Ministria e Shëndetësisë ka raportuar se në 24 orët e fundit në vend janë kryer 1444 testime, nga të cilat kanë rezultuar pozitivë 30 qyt

Kreu i SPAK, Arben Kraja pak minuta më parë në një deklaratë për mediat pas mbledhjes në kuadër të 108 vjetorin e  Ditës së Drejtësisë, u

Policia e Shtetit ka ndërmarrë një aksion në rrugët e vendit gjatë fundjavës për të parandaluar aksidentet rrugore.

Gjatë akitivitetit të mbajtur në Tiranë në kuadër të 108 vjetorit të Ditës së Drejtësië, ambasadorja amerikane Yuri Kim tha se se nuk ka

Ambasada Shqiptare në Francë para pak orësh ka dhënë njoftimin e rëndësishëm për të gjithë qytetarët që jetojnë në Francë dhe që kanë apl