Durrës, kush janë anëtarët më të vjetër dhe më të ri në moshë në Këshillin Bashkiak

22/08/2019 - 21:08

Pushime verore po u vjen fundi dhe në muajin shtator pritet të mbahet mbledhja e parë e Këshillit Bashkiak Durrës. Këshilli i dalë nga zgjedhjet e 30 qershorit u konstituua më 2 gusht, duke zgjedhur si kryetar Ani Dyrmishin dhe nënkryetare Zamira Mustafarajn.

Nga 51 anëtarë që ka këshilli gjithsej, 46 i takojnë PS-së, 1 anëtar është i BD-së, ndërsa 4 anëtarët e tjerë janë nga partitë aleate të Partisë Socialiste.

Për herë të parë në historinë e tij, Këshilli dominohet në shumicë absolute nga këshilltarët e PS-së, pas bojkotimit të zgjedhjeve nga opozita.

Ndërkohë, raporti gjinor është thuajse 50-50%, duke qenë ky një rekord më vete. Gjithsesi, cilësia e këshilltarëve meshkuj dhe femra mbetet për t’u zbuluar gjatë mbledhjeve të Këshillit, pasi shumë prej tyre futen për herë të parë në këtë organ vendimmarrës.

Nga ana tjetër, për herë të parë, Këshilli Bashkiak i Durrësit ka në përbërje të tij shumë persona të rinj në moshë.

Nga një vëzhgim që DurrësLajm u bëri moshës së përfaqësuesve të PS-së në Këshill janë plot 23 këshilltarë që kanë lindur në vitet ’80 dhe ’90, duke qenë kështu në të njëzetat dhe tridhjetat e tyre. Edhe kryetari Ani Dyrmishi dhe kreu i grupit të këshilltarëve të PS, Arben Isaku janë në moshë relativisht të re, respektivisht 35 dhe 42 vjeç.

Nga PS, këshilltari më i madh në moshë është Mahmut Arif Mani, i ditëlindjes 1959, pra 60 vjeç, ndërsa më të rinjtë janë Jurgen Luan Zaza (djali i kryetarit të PS-së Durrës) dhe Eni Hamid Karaboja, të dy të ditëlindjes 1994, pra 25-vjeçarë.

Duket se në këto zgjedhje ku nuk pati rivalë të drejtpërdrejtë, PS-ja e Durrësit preferoi t’i jepte një frymëmarrje të re Këshillit Bashkiak dhe pse jo duke “shpërblyer” me një vend në parlamentin e qytetit disa prej atyre që në të ardhmen mund të jenë figurat kryesore të saj në qytetin bregdetar.

M.B.

/portali DurresLajm/

Na bëni like në facebook!: 

Lajme nga e njëjta kategori

MeteoAlb parashikon se pjesa e parë e ditës së sotme do të jetë me kthjellime dhe vranësira kalimtare, të cilat shtohen gjatë orëve të pa

Pas takimeve këshilluese me prokurorë dhe inxhinierë italianë, ekspertë në analizimin e cilësisë së godinave pas tërmeteve, Prokuroria e

Nëse keni bërë plane për fundjavën, kini parasysh se nuk do te jeni në shoqërinë e motit me diell.

Nuk ka optimizmin e Komisionerit për Zgjerim Varhei, por dhe Presidenti i Këshillit Europian, duke folur në Tiranë në krah të kryeministr

Fatura 1 miliardë euro që kryeministri Edi Rama deklaroi si dëm të tërmetit në takimin me homologun italian Conte është rezultat i një ra

Gjykata e Sarandës ka caktuar sot masën e sigurisë “Arrest me burg” për 41-vjeçaren Elisabeta Mita, pas akuzës se dhunonte vajzën e saj 1

Gjykata e Tiranës pranoi kërkesën e prokurorisë për pushimin e çështjes CEZ, pasi hetimet gati 3-vjeçare nuk dhanë rezultat sepse nuk u g

Banorët e njësisë administrative Sukth kanë protestuar sot për mosverifikimin e objekteve të dëmtuara prej tërmetit nga ana e ekspertëve.

Më 18 janar, një 60-vjeçar u vu në pranga me dyshimet se mund të ketë abuzuar seksualisht me një vajzë të mitur, vetëm 8 vjeç.

Prokuroria e Posaçme Antikorrupsion dhe Krimit të Organizuar (SPAK) ka thirrur sërish kryebashkiakun e Bulqizës, Lefter Allën, për ta mar