I riu i prekur nga koronavirusi: Unë e fitova betejën, por njoha miq që e humbën! (VIDEO)

25/03/2020 - 18:37

Një mesazh i fortë dhe sensibilizues vjen nga një i ri që ndodhet i shtruar në spitalin Infektiv, pasi rezultonte i prekur nga koronavirusi.

Përmes një video nga një prej ballkoneve të këtij spitali COVID, Erind Cara tregon se pas 10 ditë qëndrimi në terapinë intensive, tashmë gjendja e tij është e mirë dhe se ai ka luftuar betejën me këtë virus vdekjeprurës, pasi në dy testet e fundit rezultoi se ishte negativ.

Teksa i bën thirrje të gjithë shqiptarëve, kudo që janë që të qëndrojnë në shtëpi, i riu thekson se është më mirë të parandalosh se sa të kurosh. Mes të tjerash ai pohon se njohu dhe të tjerë persona, që e humbën betejën, siç ishte shoku i tij i dhomës.

MESAZHI I ERINDIT:

CORONA VIRUS – COVID-19

Corona virus kryefjala e çdo bisede në të gjithë boten!

Sot pas 10 ditesh ne terapi prane Spitalit Infektiv ne QSUT dhe pas rezultatit te dy testeve që rezultuan negativ ndaj COVID -19, mund të them qe betejen time e fitova dhe po kthehem ne shtëpi i qetë dhe me shëndet të plotë.

Por humba dhe miq te cilet i njoha gjate kesaj beteje që nuk ja dolën , dhe pse luftuan deri ne frymen e fundit bashke me Mjek e Infermier !

Te dashur miq ! Un fitova betejen me Covid-19 , por për të fituar luften duhet kontributi i të gjithve NE . Nuk kërkohet asgjë e jashtëzakonshme në këtë luftë, por vetëm një gjë, që të gjithë kur nuk e kemi e duam aq shumë: Te qendrojmë ne shtëpi dhe te kalojmë kohë me familjarët tanë.

Më parë kishim qindra justifikime, puna, koha, pamundësia, lodhja etj .

Sot ështe momenti i duhur të japim dhe marrim dashuri, te bisedojme me njeri-tjetrin, t’u tregojme sa shume i duam. Po po sa shumë i duam prinderit, motrat, vllezërit, gjysherit, miqtë e te gjithë ata qe ne konsumojmë me ta gjenë më të rendesishme “KOHËN” !

Dy fjale për ata që mendojnë se ky virus është diçka pa rëndesi! Qëndroni ne shtëpi !

Ky virus nuk të jep një mundesi të dytë. Shoku im i dhomës ishte nje djalë i ri, qe nuk kishte asnje semundje të mëparshme, kishte nje familje te mrekullueshme, nuk i mungonte asgje, por ky virus i rëndoh shëndetin. Nje frymëmarrje të thellë thjesht kerkonte! Luftoi, luftoi deri ne frymën e fundit sepse ishte larguar pa u pershendetur me askend, kishte ardhur se nuk ndjehej mirë, siç mund te jemi secili nga ne. Por mbremë ai u dorzua, nuk ia doli dot, la cdo gje mbrapa dhe koronavirusi e mori pa mëshirë edhe pse ishte i ri dhe i shendetshëm. PRANDAJ, QENDRONI NE SHTEPI !

Për disa të rinj të fort, e të shëndetshëm si unë, qendroni në shtepi, mendoni për familjarët tuaj, prinderit, gjysherit imuniteti i te cilëve është më i dobët dhe COVID – 19 e ka më të thjeshtë për ti marrë në gjirin e tij.

NDAJ QENDRONI NE SHTEPI PER TE DASHURIT TUAJ !

Dy fjale të sinqerta për njerëzit më të rëndësishëm në këtë lufte, mjekët, infermierët, farmacistët, sanitarët dhe te gjithë ato qe shërbejnë dhe kontribuojnë në këtë luftë kundër Covid -19. Ata janë front në vijën e parë të kësaj beteje 24/24 për te dhënë më të mirën e tyre edhe pse rreziku është shume i lartë. Te mendosh se dhe ata kanë lëne çdo gje familjen, prindërit, fëmijët, vëllezërit, motrat, për te qen aty per tu shërbyer pacienteve te tyre , atyre qe nuk e donin kete virus, por ai erdhi dhe i infektoj , por do iu shërbejë dhe atyre që thonin “Nuk na ben gjë ne Virusi” se kur të arrish atje kërkon vetëm mëshirë, ndihme dhe përkujdesje, kupton sa e rëndesishme është JETA, por qe tani nuk është vetëm ne doren tënde, por te mjekëve, Infermierëve, Koronavirusit dhe Zotit lart në qiell , qe po na jep sinjalet e tij të kuptojmë sa e rendesishme eshte JETA, gjë të cilën e kishim harruar sepse na “mbyten” angazhimet, punet, facebook, instagram, kafet dhe gjerat e pa rendesishme.

Duhet të qendrojmë në shtepi qe keta Infermier , Mjek të jenë sa më pak të rrezikuar .

Një falenderim i veçantë shkon për Stafin e Spitalit Infektiv : Dr Najaden , Dr Arjanin , Dr Gentin etj Infermieret Semi, Dasho  Lukja, Eni, Emanuela , e te tjer .

Ju Falenderoj pa mas për çdo gje qe po bëni në ato kushte aq të veshtira !

Faleminderit !

Ne qendrojmë në shtëpi !

Ju në krye të detyres, per ta kaluar sa me lehtë këtë situate të veshtirë!

Me Respekt

Erind Cara

/portali DurresLajm/

Video: 
Na bëni like në facebook!: 

Lajme nga e njëjta kategori

Drejtori i Agjencisë Kombëtare të Mbrojtjes Civile, Haki Çako, ka bërë një deklaratë për media në lidhje me situatën e krijuar nga zjarre

Ministria e Shëndetësisë ka përditësuar të dhënat e fundit lidhur me situatën e Covid-19 në vendin tonë.

Ka shkuar në 172 numri i viktimave në vendin tonë për shkak të Covid-19.

Prej disa ditësh, banorët e Durrësit qëndrojnë në grumbull te Njësia Administrative nr.4 e qytetit për të aplikuar apo për të marrë pasap

Ipeshkvi i Dioqezës së Rrëshenit, Dom Gjergj Meta ka shprehur shqetësimin e tij për vatrat e shumta të zjarreve në vendin tonë dhe indife

Ashtu siç u njoftua një ditë më parë, paraditen e sotme IKMT dhe IMTV në bashkëpunim me Policinë Bashkiake Durrës kanë nisur shembjen e d

Prokuroria e Posaçme kundër Korrupsionit dhe Krimit të Organizuar Tiranë (SPAK) ka vendosur sekuestrimin e pasurive të biznesmenit Ylli N

Sipas të dhënave të INSTAT, në vitin 2019 nga aksidentet rrugore në Shqipëri humbën jetën 519 persona duke shënuar një rritje me 12 përqi

“Programi i kontrollit, i cili parashikon vaksinimin ndaj gripit është pjesë e strategjisë tonë, për të përballuar situatën e shkaktu

Policia e Qarkut Durrës ka ndëshkuar me masë administrative 1 milion lekë dhe mbyllje të aktivitetit për një periudhë 6-mujore, administr