Mori 400 mijë euro, zbulohet vrasësi që eliminoi “Il Padrinon” në Durrës

15/10/2019 - 17:28

Hetuesit në Durrës duket se janë afër zbardhjes së atentatit ndaj vlonjatit Edison Harizajt dhe shokut të tij në afërsi të Plepave. Ata dyshojnë se vrasësi është një ish-shok qelie i “faqedjegurit” dhe që ka dorë në të paktën katër atentate, dy në Durrës dhe dy në Vlorë.

Katër ekzekutime; dy në Vlorë dhe dy në Durrës janë bërë nga i njëjti person. Bëhet fjalë për ngjarje të ndodhura në harkun kohor midis vitit 2016 dhe 2019.

Ky dyshim është ngritur më në fund nga hetuesit që po merren me atentatin në afërsi të Plepave në Durrës, ku mbetën të vrarë vlonjati Edison Harizaj dhe miku i tij Genci Caca. Burime për ABC News thanë se tashmë nuk ka më dyshime cili është vrasësi me pagesë, i cilësuar si nga më të shpejtët në vend.

Ekzekutuesi, që vetëm për zhdukjen e Edison Harizajt besohet se mori 400 mijë Euro, sipas hetimeve rezulton një ish-i akuzuar për vrasje, i cili më herët ka qenë në një qeli me Edison Harizaj i akuzuar për një krim në vitin 1999. Atëkohë, sipas hetimeve, ekzekutuesi, porositësi dhe vetë Harizaj ishin miq; të dyshuar për trafik droge, gjobëvënie të fuqishme dhe krime të tjera.

Duket pas kësaj miqësie në kohën kur edhe kanë dalë nga hekurat, ata u kthyen në kundërshtarë duke punuar për hesap të vet.

Katër ekzekutime; dy në Vlorë dhe dy në Durrës janë bërë nga i njëjti person. Bëhet fjalë për ngjarje të ndodhura në harkun kohor midis vitit 2016 dhe 2019.

Të dhënat e sistemit TIMS treguan se në të paktën katër atentate, ky person, i cili jashtë përdor një tjetër identitet, hynte një muaj para në Shqipëri, dhe largohej nga kufiri, sapo realizonte ekzekutimet. Hetuesit shpjegojnë se ai sapo merrte porosinë, i mjaftonin më pak se katër javë për ta organizuar dhe realizuar atë.

Viktimat e atentatit në Durrës para se të vriteshin darkuan me disa shokë në një lokal në periferi të Tiranës.

Referuar dëshmive të personave të fundit me të cilët Harizaj ishte  shoqëruar, një burim policor i atëkohë i tha ABC News, se ai kishte pikasur ndjekjen.

“Il Padrino”, siç e thërrisnin në Vlorë ishte shprehur te një miku i tij. “Po më ndjekin, kam parandjenjë të keqe”.

Dhe në fakt mbi të dhe Cacën u zbrazën mbi 50 plumba dhe pse makina ishte gjysmë e blinduar.

Harizaj, i cili ishte edhe miku i Emiljano Shullazit u ekzekutua nëntor në lagjen 13 të Durrësit, kur ai dhe shoku i tij Caca po udhëtonin nga Tirana në drejtim të Vlorës. I ashtuqujaturi “faqedjeguri” Harizaj nuk ishte një emër i panjohur për policinë. Ai dyshohet se ka kryer një sërë krimesh, përfshirë dhe ekzekutimin e gjyqtarit Skerdilajd Konomi. /ABC News

/portali DurresLajm/

Na bëni like në facebook!: 

Lajme nga e njëjta kategori

Pjesa e parë e ditës këtë të mërkurë, do të paraqitet me kthjellime dhe vranësira të lehta, por orët e mesditës dhe pasdites do të shtojn

Sot e kësaj dite vrasja e Fatmir Haklajt dhe Sami Kërrnajës është ende e pazbardhur nga instancat ligjzbatuese.

Fllanza Dardha jetonte në një garsoniere në lagjen numër dy të qytetit të Durrësit deri mëngjesin e 26 nëntorit 2019.

Kur kanë mbetur edhe 10 ditë nga përfundimi i afatit të aplikimit online të qytetarëve të Durrësit në platformën e rindërtimit “Shtëpia i

Ambasada gjermane në Tiranë bën të ditur se Gjermania do të njohë së shpejti patentat shqiptare, pasi deri tani është bërë një hap shumë

Gjykata e Tiranës ka çuar për gjykim dosjen ndaj ish-kryebashkiakut të Vorës, Agim Kajmaku, i cili ndodhet prej katër muajsh në arrati dh

Prokurori i Përgjithshëm i Republikës së Shqipërisë Olsian Çela priti sot në një takim zyrtar delegacionin e Zyrës së Prokurorisë Federal

Në studion e emisionit “Shqipëria Live”, nga ku ishte dhe i ftuar gazetari Marim Mema u shpreh se ka një projekt të madh për ndërtimin e

Një studim i ri ka zbuluar se rreziku për obezitet tek fëmijët rritet kur flenë gjumë vonë.