Prej tre ditësh, Policia e Shtetit në heshtje totale

09/01/2019 - 22:40

Që nga dita e diel, kur janë publikuar arrestimet dhe procedimet penale të fundit në shkallë vendi në 24 orë, Policia e Shtetit nuk ka publikuar asnjë raport ditor përsa i përket ditës së hënë dhe të martë të kësaj jave.

Ndërsa përsa i përket ditës së mërkurë, vetëm pak minuta më parë, ekzaktësisht në orën 21.44 minuta, Policia e Shtetit publikoi raportin ditor mjaft të cunguar, ku përveç një operacioni policor të zhvilluar në kryeqytet, ku janë arrestuar në flagrancë 2 shtetas për veprën penale "Prodhim dhe shitje lëndësh narkotike e kryer në bashkëpunim" dhe një informacioni të shkurtër për parandalimin e përshkallëzimit të një konflikti në Lezhë, ku është arrestuar një person dhe janë proceduar penalisht 2 të tjerë, të gjitha arrestimet dhe procedimet e tjera jepen në mënyrë të përmbledhur dhe pa saktësuar se në cilin komisariat të vendit kanë ndodhur këto ngjarje.

Madje edhe në rastet e arrestimeve në Tiranë dhe Lezhë, policia nuk jep identitetin e të arrestuarve, qoftë edhe me iniciale.

“Gjatë 24 orëve të fundit në të gjithe vendin janë proceduar penalisht 51 shtetas, nder ta: 38 ndiqen në gjendje të lirë, 8 janë te arrestuar, 5 janë te ndaluar”,- njofton Policia e Shtetit në komunikatën e saj duke bërë një rezyme të të proceduarve, por pa dhënë asnjë informacion se për çfarë veprash penale akuzohen këta persona.

Se kujt i shërben gjithë ky mister në publikimin e raportit ditor të punës së Policisë së Shtetit dhe komisariateve në të gjithë vendin, për këtë duhet të japin përgjigje drejtuesit më të lartë të policisë.

Mbrëmjen e së dielës, u kap një sasi heroine prej 4 kg në portin e Durrësit dhe u arrestua një person, ndërkohë që policia e qytetit bregdetar, si asnjëherë më parë nuk dha asnjë informacion zyrtar, as atë ditë dhe as ditën e hënë. Po ashtu policia nuk dha asnjë informacion zyrtar për grabitjen e një argjendarie në një qendër tregtare në Tiranë në datën 2 janar 2019.

Në ditët e para të vitit, raportet ditore të Policisë së Shtetit publikoheshin në orët e vona, ose një ditë më pas, por ndërsa në atë periudhë kjo mund të justifikohej disi me periudhën e festave, kjo mungesë informacioni në 3 ditët e para të kësaj jave është totalisht e pajustifikuar.

Shpeshherë Policia e Shtetit është akuzuar për fshehje të ngjarjeve të ndryshme, e nëse kjo mungesë transparence do të vazhdojë edhe në ditët e ardhshme atëherë gjithkush mund të mendojë se policia ka shumë gjëra për të fshehur. 

M.B.

/portali DurresLajm/

Na bëni like në facebook!: 

Lajme nga e njëjta kategori

Fundjava dhe nisja e pushimeve ka bërë që në pikën doganore të Morinës të ketë një fluks të madh automjetesh nga Kosova që hyjnë në Shqip

Sipas MeteoAlb, pjesa e parë e ditës do të jetë me alternime kthjellimesh dhe vranësirash kalimtare.

Kolegji i Posaçëm i Apelimit (KPA) ka lënë në fuqi vendimin e KP për prokurorin Artan Bajrami, duke vendosur shkarkimin e tij nga detyra.

Bashkia e Tiranës ka shpallur sot tenderin për projektin e godinës së Teatrit Kombëtar.

110 familje janë pajisur me lejet e legalizimit të një pallati në lagjen nr. 2, në qytetin e Durrësit.

Britania e Madhe ka hapur kufijtë për 57 vende të botës, por Shqipëria nuk bën pjesë në to.

  • Vëmendja u përqendrua kryesisht në boshtin rrugor "Mbikalimi i Shkozetit- Plepa"; segmenti Ura e Dajlanit-Plepa (plazh) dhe

Forca Detare dhe Qendra e Vëzhgimit Detar në Ministrinë e Mbrojtjes do të mbështesin masat për sezonin turistik të 2020.

Ministri i Brendshëm, Sandër Lleshaj përmes një statusi në Facebook iu përcjell një mesazh të rinjve shqiptarë.