Zyrtarizohet emërimi në postin kyç në bashkinë e Durrësit, një tjetër femër synon Urbanistikën

09/11/2019 - 08:54

Zyrtarizohet emri fitues i konkursit për postin e Drejtorit të Drejtorisë së Burimeve Njerëzore, në Drejtorinë e Përgjithshme Ligjore, Arsim Kulturës dhe Burimeve Njerëzore në Bashkinë Durrës.

Përmes një njoftimi për shtyp, Bashkia Durrës njofton se në krye të kësaj drejtorie vjen Stela Shkarpa, e vetmja kandidate e përzgjedhur nga të gjithë të interesuarit që dorëzuan dokumentacionin pranë këtij institucioni.

Në një shkrim të disa ditëve më parë "DurrësLajm" shkruante se Shkarpa pritej të ishte femra e cila do të mbante postin kyç në bashkinë e qytetit bregdetar. Mësohet se pas intervistës së zhilluar më 1 nëntor Shkarpa është vlerësuar me 86 pikë nga Komisioni i Vlerësimit.

Ajo zëvendëson ish-drejtoreshën e Burimeve Njerëzore, Drita Zeneli, e cila u dorëhoq për arsye shëndetësore në fillim të muajit shtator, pas një qëndrimi 12-vjeçar në këtë post.

Ndërkohë pritet që një tjetër femër të vijë në krye të një tjetër drejtorie të rëndësishme në bashkinë e Durrësit. Një muaj më parë dha dorëheqjen Adhurim Qehajaj pas 10 vitesh në krye të Urbanistikës.

Në një tjetër njoftim që Bashkia e Durrësit ka publikuar në faqen zyrtare bën me dije se nga procedura e lëvizjes paralele është përzgjedhur vetëm kandidatja Dorina Isufi e cila do të intervistohet me gojë më 15 nëntor.

Isufi ka qenë për disa vite me radhë punonjëse në Drejtorinë e Planifikimit dhe Kontrollit të Zhvillimit të Territorit në Drejtorinë e Përgjithshme të Shërbimeve dhe Punëve Publike në Bashkinë e Durrësit. Vitet e fundit ajo ka qenë drejtuese e kësaj drejtorie në bashkinë e Shijakut.

/portali DurresLajm/

Na bëni like në facebook!: 

Lajme nga e njëjta kategori

Të gjithë ata qytetarë që kanë humbur shtëpitë e tyre nga tërmeti i 26 Nëntorit do të përfitojnë banesa në bazë të numrit të familjarëve.

Jemi në pikun e dimrit, dhe moti po tregon qëndrueshmëri.

Nesër në orën 10.00, Gjykata e Tiranës do të japë masat e sigurisë për 31 personat e ndaluar për dëmet nga tërmeti i 26 nëntorit.

Bashkia e Durrësit ka publikuar online 6 shpallje për vende të lira pune në administratën vendore.

Dalina Bucaj do të jetë drejtoresha e re e Tatimeve në Durrës.

Gjykata e Tiranës ka ndryshuar sot masën e sigurisë për 6 personat e dyshuar të rastit të bujshëm “Toyota Yaris”.

Kur kanë kaluar 53 ditë nga tërmeti shkatërrimtar i 26 nëntorit 2019, shit-blerja e apartamenteve në Durrës është thuajse e bllokuar.

Gjyqtarja Enkeleida Hoxha që mori vendimin për lirimin e Endrit Dokles ka shqyrtuar më përpara dhe 5 kërkesa të këtij të dënuari shkruan

Autoriteti Kombëtar i Ushqimit ka bllokuar 4.032 tonë marmaladë në Pikë Kufitare të Hanit të Hotit.

Përmes një ceremonie të ngushtë familjare, mes miqve, aktorëve dhe atyre që e deshën dhe e respektuan i është dhënë lamtumira aktorit të