Pas rritjes së çmimit të produkteve në shportës, Banka Botërore i ka bërë thirrje qeverisë shqiptare që të rishikojë skemën e asistencës sociale për familjet në nevojë.
Sipas tyre, kriza e energjisë dhe rritja e çmimeve do ta vështirësojë edhe më shumë jetesën e këtyre familjeve, si dhe do të thellojë nivelin e varfërisë.
“Duke parë ritmin e rimëkëmbjes pas pandemisë, Banka Botërore i sugjeron qeverisë shqiptare, të mos mbështetet vetëm te ndërtimi, por të investojë në edukim, inovacion dhe në ekonominë e gjelbër”, tha Hilda Shijaku, ekonomiste e lartë e Bankës Botërore.
