Dy ish-oficerë të ushtrisë turke dënohen me burg përjetë

Postuar: 09/01/2018 - 20:47

   Dy ish-oficerë të ushtrisë turke kanë marrë dënime të përjetshme për shkelje të Kushtetutës gjatë grushtit të dështuar të shtetit në korrik të vitit 2016, raporton Anadolu Agency (AA).

Organizata FETO dhe udhëheqësi i saj me bazë në SHBA, Fetullah Gylen, organizuan grushtin e shtetit më 15 korrik të vitit 2016, i cili martirizoi 250 persona dhe rreth la të plagosur rreth 2.200 të tjerë.

Gjykata e dytë e rëndë penale në provincën e Denizli dënoi ish-Gjeneral Brigade Kamil Ozhan Ozbakir dhe ish-Kolonel Erol Akman, të cilët ndodheshin në burg, në pritje të gjykimit për tentativën për të përmbysur rendin kushtetues përmes dhunës, si pjesë e përpjekjes së grushtit të shtetit.

Gjykata gjithashtu i shqiptoi dënime të përjetshme edhe për katër ushtarë të tjerë, përfshirë Ziver Inci, Oguz Ay, Muhammet Ekinci dhe Avsin Yapar për të njëjtën akuzë.

Në rastin që përfshinte 64 të pandehur, 40 u vendosën në paraburgim në pritje të gjykimit, kurse ish-ushtari Tolga Kilincaslan u dënua me një vit e tetë muaj burgim. 59 të tjerë u liruan.

Ndërkaq, në provincën qendrore Kayseri, katër të dyshuar të FETO-s u dënuan me burgim nga tre deri në shtatë vjet e gjysmë, të akuzuar si pjesëtarë të një organizate terroriste të armatosur.

Të hënën, një gjykatë në provincën jugore të Adanës burgosi tre të dyshuar për terrorizëm në periudhë prej gjashtë deri në shtatë vjet, të akuzuar si anëtarë të FETO-s.

Ndërkohë, në provincën veriperëndimore Kocaeli, një gjykatë dënoi ish-oficerin e policisë Firat Ozserdar me shtatë vjet e gjashtë muaj burg si anëtar i një grupi të armatosur terrorist.

Një gjykatë tjetër në të njëjtën provincë dënoi me gjashtë vite burg një ish-inxhinier, i cili ishte tashmë në paraburgim në pritje të gjykimit.

Murat Koyun u dënua me gjashtë vjet burg, me akuzën si pjesëtar i FETO-s.

Në provincën e Rize të Detit të Zi, një gjykatë dënoi tetë ish-oficerë policie me më shumë se shtatë vjet burg, ndërsa një të dyshuari tjetër të FETO-s i janë shqiptuar tre vjet e nëntë muaj burg.

Të gjithë u dënuan si anëtarë të një grupi të armatosur terrorist.

/portali DurresLajm/

Na bëni like në facebook!: 

Lajme nga e njëjta kategori

   Katër persona janë vrarë dhe katër të tjerë janë plagosur në një sulm me armë ndaj një turme gjatë një festivali në Dagestan, në jug t

   Sulmi me armë i të mërkurës në një shkollë të mesme në Florida, ku u vranë 17 persona po shndërrohet në betejë politike në Shtetet e B

   Pak pasi liroi gazetarin Deniz Yucel, korrespondent i gazetës gjermane “Die Welt”, pas një viti të kaluar prapa hekurave për propagand

   Një aeroplan me 60 pasagjerë është rrëzuar në një zonë malore në qendër të Iranit.

   Një lëkundje sizmike me manjitudë 3.4 ballë të shkallës Rihter është regjistruar në orët e para të mëngjesit të sotëm, në 02.13 të së

Një vajzë 3-vjeçare ka ngrirë për vdekje në çerdhen e saj pasi edukatoret e harruan jashtë.

Një helikopter që mbante zyrtarë të lartë është rrëzuar në Meksikë ndërsa ata vlerësonin dëmin e shkaktuar nga tërmeti.

   Drejtësia amerikane shpalli fajtorë 13 shtetas dhe tre entitete ruse për ndërhyrje në zgjedhje dhe procesin politik amerikan, sipas nj

   Një tjetër ngjarje me të shtëna në një shkollë është raportuar në Shtetet e Bashkuara të Amerikës.

Mediat gjermane thonë se ushtria e qeverisë së Berlinit është në krizë.