Franca, shteti i dytë në Evropë që rregjistron me shumë se 1 milion të infektuar me Covid-19

22/10/2020 - 12:21

Franca është bërë vendi i dytë në evropën perëndimore që regjistron më shumë se 1 milionë infektime me koronavirus sipas universitetit Johns Hopkins.

Totali i rasteve në Francë është aktualisht në 1 milionë e 357 ndërkohë që vendi ka regjistruar 34075 viktima që nga fillimi i pandemisë. Një ditë më parë ishte Spanja ajo që kapërceu pragun e 1 milionë rasteve, duke u bërë vendi i parë evropian që e kalon këtë kufi. Të mërkurën, Spanja raportoi 16973 raste të reja dhe 156 viktima. Që nga rastet e para në vend, më 31 janar, Spanja ka regjistruar një total prej 1 milionë e 5295 infektime. Tani, janë shtatë vendet e botës që e kanë kaluar shifrën e një milionë rasteve; SHBA, India, Brazili, Rusia, Argjentina, Spanja dhe Franca.

Evropa ka parë një rritje të infektimeve të reja gjatë muajve të fundit duke detyruar qeveritë të miratojnë rregulla të reja strikte në përpjekje për të kontrolluar shpërthimet dhe për të garantuar që spitalet nuk do të mbipopullohen.

Në Gjermani, numri i rasteve të konfirmuara të koronavirusit u rrit 24 orët e shkuara me më shumë se 10 mijë. Instituti Robert Koch, raportoi 11287 raste të reja, më e larta kjo që nga fillimi i pandemisë. Ndërkohë që 24 orët e shkuara u regjistruan edhe 30 viktima të tjera të koronavirusit duke e cuar totalin në 9905.

Italia në anën tjetër regjistroi 15199 infektime të reja, duke thyer të gjitha rekordet e mëparshme dhe nga e premtja në mesnatë edhe rajoni i Lazios, përfshirë kryeqytetin Romë, do të vihet nën ndalim qarkullimi nga mesnata deri në 5 të mëngjesit. Hija e izolimit tashmë po rëndon sërish mbi qytetet si Milano, Romë dhe Napoli. Autoritetet greke ndërkohë kanë njoftuar për një izolim rajonal në rajonin verior të kastorias ndërkohë që raportoi një ditë më parë 865 raste të reja koronavirusi, po ashtu rekord për vendin.

/portali DurresLajm/

Na bëni like në facebook!: 

Lajme nga e njëjta kategori

Presidenti brazilian Jair Bolsonaro ka deklaruar të enjten në mbrëmje se ai nuk do të vaksinohet kundër koronavirusit, duke shprehur skep

Rreth 60 apo 70 për qind e popullatës duhet të jetë e imunizuar ndaj koronavirusit të ri, në mënyrë që të ulen infektimet, thotë Organiza

Në 24 orët e fundit Italia ka regjistruar 28 352 raste të reja koronavirus.

Shkencëtari i armëve bërthamor i Iranit, Mohsen Fakhrizadeh është vrarë pranë kryeqytetit Teheran.

Presidenti i zgjedhur i Shteteve të Bashkuara të Amerikës, Joe Biden i ka shkruar një letër shoqatës kosovare “Miqtë e Amerikës”, me rast

Opozita dhe mediat turke së fundmi kanë akuzuar qeverinë për fshehjen e shifrave të Covid-19.

Një tërmet më magnitudë 4.9 të shkallës rihter ka goditur sot Turqinë, duke rikthyer frikën në vend.

Presidenti i SHBA Donald Trump tha të enjten se do të largohet nga Shtëpia e Bardhë, nëse Kolegji Zgjedhor voton për Presidentin e zgjedh

Bisedimet e Brexit për tregtinë mes Britanisë së Madhe dhe BE-së do të rinisin këtë fundjavë në Londër. BBC, duke iu referuar burimeve di

Të premten në Gjermani autoritetet shëndetësore njoftuan se numri i përgjithshëm i të infektuarve me koronavirus, që nga fillimi i pandem