Incidenti që rriti çmimin e gazit në Europë

12/12/2017 - 19:18

   Shpërthimi i fuqishëm, që tronditi një qendër të kalimit të gazit natyror në lindje të Austrisë, i kushtoi jetën një personi dhe plagosi me dhjetëra të tjerë.

Shpërthimi u pasua nga një zjarr masiv në impiantin e Baumgartenit, që gjendet në lindje të Vjenës, në afërsi të kufirit me Sllovakinë. Policia austriake lajmëroi se situata është nën kontroll dhe se shpërthimi ishte pasojë e një defekti teknik.

Impianti i Baumgartenit është një qendër e importimit dhe shpëndarjes së gazit rus në Europë dhe aty kalojnë në një vit rreth 49 miliardë metër kub gaz.

Pas shpërthimit, fluksi nga Rusia u ul ndjeshëm për arsye sigurie dhe kjo solli rritjen e menjëhershme të çmimit të gazit në Europë. Autoritetet thonë se incidenti nuk do të ketë ndikim për furnizimin me gaz të Austrisë, por mund të reduktohet fluksi drejt Kroacisë, Sllovakisë dhe Italisë.

Në Romë, Ministria e Zhvillimit Ekonomik shpalli gjendjen e emergjencës për shkak të kësaj situate dhe tha se Italia ka rezerva të mjaftueshme, por këto varen nga sa do të zgjasë kjo situatë.

Ministri Carlo Calenda tha se incidenti thekson problemin serioz të furnizimit me gaz, varësinë e madhe nga Rusia. Sipas tij, nëse gazsjellësi TAP do të ishte në funksion, nuk do të ishte e nevojshme të shpallej gjendja e emergjencës.

/portali DurresLajm/

Na bëni like në facebook!: 

Lajme nga e njëjta kategori

Personi që shfaqet në këtë foto është sozia i gazetarit të vrarë saudit Xhamal Kashogxhi.

Të paktën 11 civilë e kanë humbur jetën si pasojë e shpërthimit të bombës së vendosur në skaj të rrugës në provincën Nangarhar në lindje

Miliarderi i rrëmbyer i Tanzanisë, Mohammed Dewji, është liruar vetëm 10 ditë pasi u kap nga njerëz të armatosur në qytetin e Dar es Sala

Britanikët, që janë të frikësuar nga një jetë jashtë Europës, do të mblidhen nga të gjithë cepat e vendit në Londër, në përpjekje për të

Tarifat e vendosura nga presidenti amerikan Donald Trump kanë ngadalësuar rritjen ekonomike të Kinës.

Më shumë se 60 persona humbën jetën dhe mbi 100 të tjerë mbetën të plagosur në Indi, pasi një tren mori përpara turmën e njerëzve.

Qeveria e qendrës së djathtë në Australi mund të humbas shumicën në Parlament pasi një votim i hershëm shfaqi votuesit duke dezertuar nga

Në javët e ardhshme do të merret vendimi se cilët do të jenë kandidatët kryesorë të familjeve partiake evropiane për zgjedhjet për Evropë

Presidenti i SHBA-së, Donald Trump, ka lavdëruar një kongresmen republikan që sulmoi fizikisht një gazetar vitin e kaluar, duke iu referu