Shtyrja e Brexit, BE i vendos kushte Britanisë së Madhe

20/03/2019 - 22:44

Bashkimi Evropian do të pajtohet për shtyrje të datës së largimit të Britanisë nga Bashkimi Evropian, vetëm nëse Parlamenti britanik do të miratojë marrëveshjen aktuale për Brexit javën e ardhshme, i është thënë kryeministres britanike, Theresa May.

Presidenti i Këshillit Evropian, Donald Tusk, ka thënë se është e mundshme një shtyrje e shkurtër e kërkuar nga kryeministrja May.

Kryeministrja britanike i ka nisur një letër presidentit Tusk duke i kërkuar shtyrje të Brexitit deri më 30 qershor, duke thënë se asaj i duhet më shumë kohë që plani i saj të miratohet në Parlamentin britanik.

Data fillestare për nisje të procesit të Brexitit ishte caktuar më 29 mars të këtij viti.

Tusk ka thënë se beson që të 27 vendet anëtare të Bashkimit Evropian, do të pajtohen për shtyrje nëse Parlamenti britanik voton në të mirë të marrëveshjes së kryeministres May.

Ai u ka thënë gazetarëve në Bruksel, se data e shtyrjes së këtij procesi është është e hapur për diskutim.

Ndërkohë, një debat urgjent pritet të mbahet tani në Britani, meqë pjesëtarët e Partisë Laburiste janë duke kërkuar më shumë detaje rreth planeve të kryeministres për largim.

Aktualisht duket se në Britani nuk ka ide të qartë për lidhjen që do të ketë ky shtet në të ardhmen me BE-në.

Çështja kryesore e diskutimit mbetet kufiri me Irlandën dhe ndikimi që ai mund të ketë në rrafshin ekonomik pas 29 marsit, shkruan REL.

Vendimi për Brexit ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016.

/portali DurresLajm/

Na bëni like në facebook!: 

Lajme nga e njëjta kategori

Mohamed Morsi, ish-presidenti i Egjiptit, ka vdekur pasi është paraqitur në gjykatë.

Të paktën 18 persona kanë humbur jetën dhe 30 të tjerë kanë mbetur të plagosur, pasi autobusi me të cilin udhëtonin u rrëzua në qytetin Z

Këto ditë është mbajtur mesha e parë në Notre Dame që nga shkatërrimi i saj në muajin prill nga zjarri masiv.

Para raundit të dytë të zgjedhjeve për kryetar të bashkisë së Stambollit, kandidati i AKP-së, Binali Yildirim në sondazhe qëndron pas kan

Një tërmet i magnitudës 7.4 goditi disa ishuj në Zelandën e Re sot dhe ekspertët thanë se kjo mund të shkaktojë ndryshime të vogla të niv

Në një përpjekje për të parandaluar ligjvënësit që të marrin pjesë në debat, dhjetëra mijëra aktivistë  bllokuan rrugët kryesore rreth se

Pas 8 muajsh kanë përfunduar hetimet për vrasjen e studentes Eleni Topaloudi, ngjarje e ndodhur në ishullin Rodos të Greqisë më 28 Nëntor

Turqia thotë se do t’i kundërpërgjigjet të gjitha sanksioneve të mundshme amerikane për shkak të blerjes nga Rusia të raketave mbrojtëse

Ligjvënësit konservatorë të Britanisë mbajtën të enjten të parin në një seri votimesh për të caktuar se kush do ta pasojë zonjën Theresa