Vrasja e gazetares irlandeze, ndalohen dy të rinj që hapën zjarr

20/04/2019 - 13:51

Një ditë pas vrasjes së gazetares irlandeze Lyra McKee, autoritetet kanë vënë në pranga dy të rinj, 18 dhe 19 vjeç, të cilët dyshohen si autorët e të shtënave me armë, mbrëmjen e së enjtes në Londonderry, në Irlandën e Veriut.

Dy të rinjtë, që dyshohen për kryerjen e akteve terroriste, janë dërguar në Belfast, ku po merren në pyetje. Momenti i vrasjes së gazetares ishte filmuar nga kamerat e sigurisë dhe një celular, prej nga u identifikuan dhe personat që hapën zjarr.

Ngjarja po hetohet si sulm terrorist, pasi dyshohet se personat që hapën zjarr ndaj oficerëve të policisë dhe hodhën shishe molotov, janë pjesë e organizatës IRA e RE.
Gazetarja 29-vjeçare Lyra McKee po ndiqte nga afër një operacion policor në lagjen Creggan. Në zonë po kryheshin kontrolle për armë zjarri, që mund të përdoreshin gjatë fundjavës së Pashkës, kur republikanët disidentë përkujtojnë revoltën e vitit 1916.

“Në Derry këtë mbrëmje, marrëzi totale”, ky ishte statusi i fundit në twitter i gazetares, pak përpara se të qëllohej me armë. Lyra McKee ishte një gazetare e njohur në Irlandë, jo vetëm për mbulimin e ngjarjeve të kronikes, por edhe për blogun e saj, në të cilin në vitin 2014, filloi të tregonte shqetësimet e një adoleshenteje homoseksuale në Belfast.
Një film u realizua bazuar në shkrimet e saj, ndërsa së fundi McKee kishte firmosur një kontratë për botimin e dy librave.

/portali DurresLajm/

Na bëni like në facebook!: 

Lajme nga e njëjta kategori

Presidenti i SHBA Donald Trump tha të mërkurën se vendet e tjera do të duhet të marrin përsipër luftën kundër militantëve të Shtetit Isla

Presidenti i Italisë fillon sot konsultimet për të parë nëse ekziston ndonjë mënyrë për krijimin e një qeverie tjetër koalicioni pas dorë

Presidenti i Francës, Emmanuel Macron, tha se do të takohet me zyrtarët iranianë përpara samitit të G7-ës që mbahet këtë fundjavë.

SHBA i ka refuzuar vizën të dashurës së kryeministrit britanik, Boris Johnson.

E djathta ekstreme austriake ka synuar të shtrijë duart e korrupsionit mbi lojrat e fatit.

Pasi sulmoi ashpër patnerin e tij të koalicionit Matteo Salvini, kryeministri i Italisë Giuseppe Conte është shprehur se do japë dorëheqj

 21-vjeçarja Evelyn Hernández, foshnja e të cilës është gjetur e vdekur në banjon ku ajo ka lindur, është liruar nga akuzat për vrasje gj

Stuhi të herëpashershme, përmbytje dhe rrëshqitje dheu, kjo pritet të jetë situata gjatë vjeshtës.