TIRANË-Vijon situata e rënduar në vend nga reshjet e dendura të borës që kanë mbuluar një pjesë të mirë të vendit, ndërsa akulli në akset rrugore ka sjellë vështirësi në qarkullimin e automjeteve. 
Situata më emergjente paraqitet në katër Qarqet Veriore, atë të Kukësit, Dibrës, Lezhës dhe Shkodrës por dhe në juglindje në zonat e Korçës. 

Ndërkohë sot në Gramsh u shënua viktima e dytë nga bora. Shtetasi Orgest Daja, 38 vjeç u gjet pa ndjenja pranë shtëpisë në akull. Policia konfirmoi se 38-vjeçari ka ndërruar jetë pak orë më vonë në spital. Mësohet se Daja vuante prej kohësh nga problemet në zemër dhe dyshohet se temperaturat nën 0 ia kanë rënduar gjendjen. 

 

Situata më poshtë sot në disa rrethe të vendit 
 

Dibër 
60 % komunave të qarkut janë bllokuara nga dëbora 
problemet në komunat Lurë, Kala e Dodës, Selishtë 

Kukës 
Kukës, komunat vazhdojnë të jenë të bllokuara 
Aksi Kukës-Krumë,Morinë-Tunel i Kalimashit me zinxhirë 
Akset Kukës-Shishtavec, Kukës-Dibër Krumë-B.Curri të pakalueshme 

Pukë 
Pukë, i detyrueshëm përdorim i zinxhirëve në akset nacionale 
Komunat të bllokuara 

Korcë 
Të gjitha akset nacionale janë të kalueshme me zinxhirë 
Akset Korçë-Qafë Thanë, Korçë-Leskovik të kalueshme me zinxhirë 
Aksi Korçë-Voskopojë dhe aksi Korçë-Kapshticë me zinxhirë 
I bllokuar, aksi Korçë-Dardhë i bllokuar 
Të bllokuara komunat Velçan,Trebinjë, Dardhas