26 prill 2015 – Tifozët serbë ishin edhe njëherë protagonistë për keq në ndeshjen derbi ndërmjet Crvena Zvezdës dhe Partizanit të Beogradit, pasi patën një përleshje masive gjatë ndeshjes. Incidenti në mes të dy tifozerive ndodhi para ndeshjes e cila u shty për 40 minuta, duke treguar edhe një herë se tifozët janë në qendër të vëmendjes e jo futbolli. Mediat vendase raportojnë se derbi mes dy skuadrave më të njohura në Serbi është kthyer në një luftë të vërtetë kur mijra tifozë u përleshën mes tyre e për pasojë 35 prej tyre u plagosën, raporton “Kurir”. Në një stadium të mbushur me huliganë, dhe të ndezur në flakë, tifozët serbë nuk kanë ngurruar të djegin edhe flamurin kuq e zi, madje para fillimit të ndeshjes, parulla “Kosova është Serbi” ka bërë bashkë tifozët kundërshtarë të Partizanit dhe Cërvena Zvdës. Parulla e madhe me përmbajtje nacionaliste ra në sy që në fillim të ndeshjes, e vendosur në shkallët e stadiumit. Raportohet se mes tifozëve të dhunshme ishte edhe Ivan Bogdanov, i njohur me nofkën “ivani i tmershëm”. Menjëherë pas ngjarjes ka reaguar edhe Ministria e Jashtme e Shqipërisë e cila i ka bërë thirrje autoriteteve serbe të vendosin para përgjegjësisë autorët e djegies së flamurit kuq e zi. Ndeshja pavarësisht këtyre problemeve u zhvillua dhe në fund përfundoi me rezultat të bardhë 0-0.

https://www.youtube.com/watch?v=elMSAbvk5_o