Të jesh një adoleshent modern mund të jetë e vështirë, me të rinjtë e sotëm që ndoshta përballen me më shumë presione se kurrë më parë.
Dhe përballimi i kërkesave akademike, presionit të mediave sociale dhe problemeve të imazhit trupor, përveç emocioneve të tërbuara të pubertetit, mund të jetë edhe më i vështirë për adoleshentët që janë në konflikt të vazhdueshëm me prindërit e tyre.
- Ji empatik.
Në vend që të reagosh me nerva, prano ndjenjat e adoleshentit. Një fjali e thjeshtë si “E kuptoj që kjo është e vështirë për ty” ul tensionin dhe krijon afërsi. - Mos u bëj mbrojtës.
Kur adoleshenti shpërthen (“Të urrej!”), mos kundërpërgjigju me autoritet. Thjesht prano emocionin: “E kuptoj që je i zemëruar me mua.” - Mos e zgjidh menjëherë problemin.
Shumë prindër duan t’i japin zgjidhje çdo situate, por adoleshentët duan të dëgjohen, jo të rregullohen. Dëgjoje deri në fund, pa ndërhyrë. - Qëndro i qetë nën stres.
Nëse ndihesh në limit, largoju për pak nga situata në vend që të bërtasësh. Mos reago me nerva para adoleshentit. - Përdor “deri sa” në vend të kërcënimeve.
Në vend të “Do të ta marr telefonin!”, thuaj “Nuk mund të dalësh deri sa të përfundosh detyrat.” – mënyrë më e qetë, por më efektive. - Mos i bërtit.
Të bërtiturit dëmton komunikimin dhe përpunimin emocional të adoleshentit. Zëri i ulët, qetësia dhe durimi janë më të fortë se zhurma. - Ji kurioz.
Pyet me interes të vërtetë: “Do të më ndihmosh ta kuptoj më mirë pse ndihesh kështu?” – i jep ndjesinë se vlerësohet dhe kuptohet. - Përmblidh atë që thotë.
Tregoji që e ke dëgjuar me kujdes. P.sh.: “Pra, po ndihesh shumë i lodhur nga detyrat e shkollës, apo jo?” – ndihmon për qartësi dhe afërsi. - Ji prind me të cilin mund të flitet.
Nëse adoleshenti hapet me ty, mos e gjyko. Mos e minimizo problemin. Vetë fakti që të tregon diçka është shenjë besimi – vlerësoje. - Ji i duruar.
Mos harro se truri i adoleshentit zhvillohet deri në të 20-at. Do ketë ngritje dhe ulje humori – është normale. Mos e merr personale.
