DURRËS, 9 nëntor 2014–  Aktori Leonardo DiCaprio me një karrierë për t’u pasur zili, me një pasuri maramendëse dhe gjithnjë i rrethuar nga femrat më të bukura, është 40-vjeçari më i plotësuar. Në prag të 40-vjetorit vetëm çmimi Oscar është ende “ëndrra në sirtar” e DiCaprios. Në këtë moshë Leonardo me siguri nuk është i shqetësuar për rrudhat e para, sepse tiparet e tij janë të përsosura, duke thyer disa zemra supermodelesh, si Gisele Bundchen, Bar Rafaeli, madje edhe e famshmia, Naomi Cambpell ka rënë preh e sharmit të tij. Prej dy vitesh DiCaprio është i angazhuar me modelen Toni Garrn, që mund të konsiderohet një rekord i aktorit, i cili shquhet për lidhje të shkurtra.