Plazhet dhe vendet turistike të Dubait, që zakonisht janë të zhurmshme për shkak të flukseve të larta, po bëhen më të qeta teksa temperaturat në të gjithë Emiratet e Bashkuara Arabe po rriten ndjeshëm.
Rritja e temperaturave shënon fillimin e një vere përvëluese që do t’i detyrojë shumë banorë të qëndrojnë brenda.
Atraksionet turistike të njohura si Kopshti i Mrekullive të Dubait po shohin një rënie të vizitorëve krahasuar me muajt e dimrit.
Disa banorë i shpëtojnë vapës së verës duke u drejtuar në plazh në perëndim të diellit. Në maj, Qendra Kombëtare e Meteorologjisë e Emirateve të Bashkuara Arabe lëshoi një alarm për motin, duke paralajmëruar për rritje të temperaturave dhe duke i nxitur banorët të marrin masa paraprake.
Shkencëtarët e klimës paralajmërojnë se valët më të nxehta po bëhen më të shpeshta për shkak të ngrohjes globale.
