Prej dy ditësh ka nisur krasitja e rëndë e rrapave shumëvjeçarë në rrugën “Kasem Durrës”, tek ish-rajoni i policisë Durrës.
![](https://durreslajm.al/app/uploads/2023/12/Lajme.00_00_37_08.Still249-1024x576.jpg)
Ky aks që ndan lagjet nr.5 dhe nr.6 të qytetit ka në të dy anët e tij pemët shtatlarta, shumë prej të cilave kanë një moshë më shumë se gjysëm shekullore.
![](https://durreslajm.al/app/uploads/2023/12/Lajme.00_00_45_24.Still251-1024x576.jpg)
Në fund të muajit tetor, një pemë ra mbi një automjet të parkuar në anë të rrugës, duke i shkaktuar dëme të shumta materiale.
![](https://durreslajm.al/app/uploads/2023/12/Lajme.00_00_13_02.Still133-2-1024x576-1.jpg)
Gjatë këtyre ditëve, punonjësit e ndërmarrjes “Rruga” kanë nisur krasitjet e rrapave përgjatë gjithë gjatësisë së këtij aksi, pasi në ditën pas rënies së pemës u krasitën vetëm pemët më të rrezikuara.
![](https://durreslajm.al/app/uploads/2023/12/Lajme.00_00_49_06.Still252-1024x576.jpg)
Pemët dekorative shumëvjeçare në këtë aks kanë nevojë për krasitje dhe mirëmbajtje, pasi mund të rrezikojnë dhe jetën e banorëve, sepse shumë prej tyre janë anuar në drejtim të rrugës.
Krasitje e pemëve shumëvjeçare po realizohet paralelisht edhe në rrugën “Aleksandër Goga”.