22 janar 2014 – Sekuestrohet 450 kilogramë kanabis sativa nga Policia e Portit të Durrësit. Burime nga policia bëjnë me dije se sekuestrimi i drogës është bërë  gjatë mbrëmjes së të martës, ndërsa në pranga është vënë edhe  transportuesi i drogës, një shtetas maqedonas.   Mësohet se droga është gjetur e fshehur në një trajler me targa KO 0343 TB dhe ST 835 TH që drejtohej nga një shtetas maqedonas, identiteti i të cilit nuk bëhet ende i ditur.   Sipas policisë, droga është gjetur e shpërndarë në thasët me mineral ferrosilici që trajleri ishte duke transportuar nga Maqedonia drejt Italisë. Menjëherë policia ka ndaluar drejtuesin e mjetit ndërsa po vijon hetimet për të identifikuar persona të tjerë të përfshirë në trafikun e drogës.