Shefi i qeverisë Edi Rama dhe kryesuesi i listës së deputetëve të PS-së së Durrësit, Blendi Klosi, kanë përfunduar në kazanët e plehrave në Durrës.
Persona ende të paidentifikuar kanë shkruar emrat e kryeministrit dhe kryedeputetit në kazanët e plehrave në qytetin e Durrësit.
Emrat e politikanëve shqiptarë kryesisht të maxhorancës u vendosën fillimisht në Tiranë në kazanët e plehrave javën e shkuar, menjëherë pasi parlamenti miratoi ligjin për importin e mbetjeve të riciklueshme në Shqipëri. Por edhe në Durrës ka nisur kjo “fushatë” reagimi.
Në kryeqytet reagimi i kësaj natyre erdhi nga një grup të rinj ambientalistë, ndërsa në Durrës, nuk është marrë përsipër ende nga ndonjë shoqatë.
Qytetarët kanë parë mëngjesin e sotëm emrat e qeveritarëve në kazanët ku zbrazin plehrat që në mëngjes.
K.H.
