Doktoratura, Ekonomiku forcon kriteret

03/03/2013 - 08:40

TIRANE, 03 mars 2013- Fakulteti i Ekonomisë pranë Universitetit të Tiranës ka hapur zyrtarisht aplikimin për 121 kuotat në shkollën doktorale. Pranë këtij fakulteti ka tetë fusha studimi, ku ofrohen diploma në ciklin e tretë të studimeve. Veç kritereve bazë që ka publikuar Universiteti i Tiranës për shkollën doktorale, ky fakultet ka edhe disa kritere të tjera shtesë. Përparësi Këshilli i Profesorëve të këtij fakulteti u ka dhënë aplikantëve që kanë një diplomë në fakultetet e ekonomisë në universitetet e vendit, por veçanërisht ata që kanë një diplomë në këtë fakultet. Po ashtu prioritet kanë kandidatët e angazhuar me kohë të plotë në mësimdhënie në Universitetin e Tiranës ose në ndonjë universitet tjetër publik në vend. Kategoria tjetër më e preferuar janë kandidatët e punësuar në institucione publike dhe private me profil kërkimor ose individë që kanë interesa kërkimore të provuara. Ndërkohë që kriter tjetër është mesatarja, e cila duhet të jetë mbi tetë, si dhe kërkohet që çdo aplikant të ketë njohuri shumë të mira të një gjuhe të huaj, ku preferenca kryesore është gjuha angleze. 

Kuotat&Kriteret 

 

Në Fakultetin e Ekonomisë janë shpallur 121 kuota për shkollën doktorale për vitin akademik 2012-2013, prej të cilave, shtatë fusha studimi si fusha e Ekonomiksit, Financës, Marketingut, Kontabiliteti, Menaxhimit si dhe Kërkime operacionale dhe Statistikë kanë nga 14 kuota secila. Ndërsa për doktoratat në fushën e Sistemeve të Informacionit në Ekonomi si dhe metodat sasiore ka vetëm 9 kuota. Në fushën e Ekonomiksit, Menaxhimit, Financës, Biznes dhe Kontabilitetit, Këshilli i Profesorëve të Fakultetit të Ekonomisë ka përcaktuar se titujt e kandidatëve që do të aplikojnë duhet të jenë si më poshtë: Diplomë e Nivelit II në Ekonomiks; Diplomë e Nivelit II në Biznes (Menaxhim, Financë etj); Diploma e sistemit të vjetër (4-vjeçar) në Ekonomiks; Diploma e sistemit të vjetër 4-vjeçar në Biznes (Menaxhim, Financë etj) plus Master Niveli II në Ekonomiks; Diplomë e sistemit 5-vjeçar në shkencat: matematikë, fizikë, inxhinieri, informatikë. plus Master Niveli II në Ekonomiks; Biznes, Menaxhim, Financë Titull, ose ndonjë tjetër studimi i fituar jashtë (pasi të jetë njohur nga institucionet shqiptare përkatëse). Pra, kriteri kryesor për të ndjekur këtë cikël studimi në Fakultetin e Ekonomisë është zotërimi i titullit në një fakultet ekonomie në universitetet brenda vendit. Kriteret dhe dokumentacionet e tjera që duhet të plotësojnë kandidatë janë të përbashkëta si në shkollat e tjera doktorale dhe afati i fundit i aplikimit është më 15 mars 2013. 

/e.m/GazetaShqiptare/BalkanWeb/

/portali DurresLajm/

Na bëni like në facebook!: 

Lajme nga e njëjta kategori

Dorian H. është një i ri shqiptar që ka fituar deri më tani 200 mijë dollarë nga puna online për individë dhe kompani jashtë vendit.

Nëse ke mbaruar shkollën e lartë, ke më shumë mundësi që të mbetesh i papunë, në krahasim me dikë që ka vetëm arsim 8-9 vjeçar.

Procesi i Fiskalizimit ka filluar prej datës 1 jnar 2021.

Grupi Emaar nuk ndërton vetëm godina, hotele dhe qendra tregtare, por një përvojë të mirë e ka në ndërtimin e porteve dhe marinave.

Kriza e shkaktuar në ekonomi nga pandemia e koronavirusit dhe kufizimet për të frenuar përhapjen e saj kanë ndikuar negativisht aktivitet

Në shekullin ku jetojmë udhëtimet gjithnjë e më shumë po marrin dimensionin e argëtimit, më shumë se sa një domosdoshmëri për të kryer ne

Zhvillimet në sektorin e pagave pas karantinës së parë tregojnë se, pesha e punonjësve me pagë të ulët ndaj totalit te të punësuarve me p

Sipas një studimi të Organizatës Botërore të Ushqimit FAO, vetëm 25% e fermave gjenerojnë më shumë se 3000 euro dhe 5500 euro të ardhura

Viti që sapo u mbyll ishte një vit shumë i vështirë në të gjitha aspektet, një sfidë e pa provuar dhe as e përfytyruar më parë nga secili

Procesi i Fiskalizimit fillon prej datës 1 Janar 2021, me transaksionet pa para në dorë midis tatimpaguesve dhe organeve publike B2G.