Emigrantët “rrëzojnë” valutat, bien euro, dollari, paundi…

07/08/2018 - 14:05

Të gjittha valutat kryesore kanë shënuar rënie ditën e sotme, sipas kursit zyrtar të këmbimit të Bankës së Shqipërisë.

Një euro u këmbye sot me 125.49 lekë, me një nënçmim prej 0.02 lekësh në krahasim me një ditë më parë, duke mbetur në nivelin më të ulët që prej datës 6 qershor, kur Banka e Shqipërisë filloi ndërhyrjet në tregun valutor për të frenua rënien e pakontrolluar të euros.

Në tkurrje më të fortë ishte dollari, i cili ra sot me 0.27 lekë, duke u këmbyer me 108.28 lekë. Paundi britanik ishte gjithashtu i nënçmuar. Ai këmbehej ditën e sotme në tregn vendas me 140.34 lekë, me një rënie prej 0.38 lekësh në krahasim me fillimin e javës.

Franga zvicerane është monedha tjetër e rëndësishme që ka parë një zhvlerësim në tregun e brendshëm, duke rëne me 0.26 lekë, në 108.79 lekë.

Rënia në bllok e valutave kryesore tregon se monedha vendase mbetet e fortë. Më shumë se një tregues i nivelit të fortë të ekonomisë, mbiçmimi i lekut në këtë periudhë është tërësisht i lidhur me fluksin e lartë të hyrjes së valutave në vend nga emigrantët, ku mbizotëron euro, por nuk mbeten pas edhe paundi britanik (emigratët që vijnë nga Anglia) dhe dollari.

Rreth 40% e popullsisë shqiptare jeton jashtë, sipas të dhënave zyrtare, një nga përqindjet më të larta në botë. Përveçse dërgojnë rregullisht para tek të afërmit, një pjesë e tyre vijnë për pushime në vend në gusht, apo në dhjetor, që janë dhe periudhat kur tradicionalisht ka pasur një forcim të monedhës   vendase për shkak të rritjes së fluksit të valutave.

Gjithsesi, euro këtë vit shënoi një rënie të pazakontë, që nga fillimi i vitit kur këmbehej me gati 134 lekë, ajo zbriti në 124.17 lekë në fillim të muajit qershor, duke detyruar Bankën e Shqipërisë të ndërhynte në treg, për të stabilizuar kursin në rreth 126 lekë. Hyrjet e valutës nga burime informale, konvertimet e kapitalit të bankave, parapagimet e agjencive turistike për hotelet, ishin arsyet kryesore të nënçmimit të euros, teksa deficiti i llogarisë korente ishte në përkeqësim, të paktën në tre mujorin e parë të vitit.

Banka e Shqipërisë ka pohuar se do të jetë vazhdimisht e pranishme në treg dhe kjo ka bërë që pavarësisht shtimit të fluksit hyrës të valutave nga emigrantët dhe turizmi, rënia e euros të jetë e kontrolluar dhe në nivele të ulëta. /Monitor

/portali DurresLajm/

Na bëni like në facebook!: 

Lajme nga e njëjta kategori

Në krahasim me një vit më parë, çmimet e qirave në Tiranë kanë shënuar rritje.

Sa herë që një shtet përfshihet në kriza politike, që shoqërohen me pasiguri për të ardhmen, monedha e vendit është ajo që e pëson, duke

Është shpresëdhënës fakti se shqiptarët janë arsimdashës, në atë masë se gjysma e atyre që kursejnë, e bëjnë për shkollën.

Shqipëria regjistroi nivelin më të lartë të kredive me probleme (NPL) të sektorit të saj bankar nga 17 vende në Evropën Qendrore, Lindore

Nga data 25 qershor 2019, Banka e Shqipërisë do të hedhë në qarkullim monedhën e re metalike shqiptare me vlerë nominale 10 lekë, me kurs

Emigrantët kanë sjellë pranë të afërmëve të tyre në Shqipëri 150 milionë euro në tre muajt e parë të vitit, një shumë që është pothuajse

Ditën e sotme, Komisioni për Veprimtaritë Prodhuese, Tregtinë dhe Mjedisin, shqyrtoi projektligjin për ratifikimin e marrëveshjes me Mbre

Nëse avioni juaj vonohet më shumë se tre orë, keni mundësinë që të kërkoni kompensim, teksa kompanitë gjithnjë e më shumë po detyrohen që

Ndërtimi i by pasit të Fierit është një histori e komplikuar si shumica e investimeve publike në Shqipëri, por punimet në 22 kilometrat e

Më pak sipërmarrës po marrin iniciativën që të hapin një biznes të ri në Shqipëri.