Euro nis ‘rrokullisjen’, nuk ndalet rënia

09/10/2018 - 18:45

Monedha e përbashkët europiane ka shënuar ditën e shtatë radhazi me rënie në tregun vendas. Sipas kursit zyrtar të Bankës së Shqipërisë, një euro është këmbyer sot me 125.44 lekë, rreth 0.08 pikë më pak se një ditë më parë, duke hyrë kështu në një trend rënës.

Sipas ekspertëve kryesor të tregut të këmbimit valutor, arsyeja kryesore e zhvlerësimit të euros në tregun vendas janë vëllimet shumë të ulëta tregtare gjatë këtij muaji. Ata argumentojnë se për shkak të qarkullimit të ulët të monedhës vendase në treg, leku është bërë më i shtrenjtë në raport me euron.

Sipas aktorëve kryesor të tregut, muaji tetor njihet si një muaj i vdekur për tregtinë, ku në përgjithësi bizneset shënojnë qarkullimin minimum të gjithë vitit.

Gjithashtu edhe Banka e Shqipërisë nuk ka qenë më e pranishme në tregun vendas, shkruan Monitor.

Në fillim të qershorit Banka nisi ndërhyrjen e jashtëzakonshme në tregun vendas për të tërhequr tepricat në valutë nga tregu.

Më 5 qershor euro kapi nivelin më të ulët të këmbimit në 10 vite, duke u tregtuar me 124.1 lekë.

Ndërhyrjet e Bankës së Shqipërisë arritën të stabilizonin kursin e këmbimit valutor. Për tremujorin e dytë, Banka e Shqipërisë bleu nga tregu 108.8 milionë euro.

Megjithatë, përveç qarkullimit të ulët të lekut dhe lënien e tregut të lirë nga BSH, ekspertët shtojnë se në zhvlerësimin e lekut ndikim psikologjik kishte edhe emetimi i Eurobondit nga qeveria.

Sipas bankave të nivelit të dytë në vend shumë investitorë ishin në pozicion të hapur për të investuar në Eurobond, dhe një pjesë e tyre pas emetimit kanë konvertuar fondet nga valuta në lekë.

Monedha e gjelbër e ka nisur javën e stabilizuar në tregun vendas. Sipas kursit zyrtar të Bankës së Shqipërisë një dollar është këmbyer me 109.36 lekë, rreth 0.08 pikë më shumë se një ditë më parë./Monitor

/portali DurresLajm/

Na bëni like në facebook!: 

Lajme nga e njëjta kategori

Shqipëria renditet në mesin e 15 vendeve për emigracionin e lartë të personave të arsimuar dhe me grada shkencore.

Arsimi merr për familjet e reja  çerekun e shpenzimeve, madje më shumë  se për t’u ushqyer dhe strehuar.

Gjatë ditës së sotme u prezantua Studimi i Realizueshmërisë për rehabilitimin e linjës hekurudhore Durrës – Rrogozhinë – Elbasan – Pograd

Veprimtaria ekonomike shënoi rritje në pothuajse të gjitha zonat turistike në vend.

Shpenzimet e familjeve shqiptare u rriten me ritme më të shpejta se të ardhurat na pjesën e parë të vitit 2018.

Kreu i Grupit Parlamentar të PS, Taulant Balla ka reaguar pas kërkesës së opozitës për ta përjashtuar atë nga Delegacioni Parlamentar i S

Drejtoria e Përgjithshme e Tatimeve mbylli zbatimin e planit sektorial të turizmit.

Këshilli Kombëtar i Territorit kaloi të mërkurën e kësaj jave plot 29 vendime të lidhura me investime të ndryshme të institucioneve publi

Që prej vitit 2003, Blerta Lila ushtronte profesionin e saj si parukiere. Vera e këtij viti do të ishte e fundit  për biznesin e saj.