Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Pandemia ngadalësoi "luftën" ndaj korrupsionit, 19 tregues nuk u realizuan në vitin 2020

14/04/2021 - 08:25

Ministria e Drejtësisë zbardhi se plani i veprimit për strategjinë e luftës ndaj korrupsionit nuk u realizua në pjesën më të madhe të treguesve në vitin 2020.

Një efekt duket se e ka pasur edhe situate e pandemisë ku sipas raportit të monitorimit të kësaj strategjie nënvizohet se ka pasur burime të pamjaftueshme financiare.

Konkretisht në janar – dhjetor 2020, janë mbledhur dhe analizuar të dhëna për 37 tregues performance, të shpërndare përkatësisht në 21 tregues për objektivat specifikë në qasjen parandaluese, 9 tregues për objektivat specifikë në qasjen ndëshkuese dhe 7 tregues për objektivat specifikë në qasjen ndërgjegjësuese.

“Gjatë vitit 2020, janë arritur vlerat e synuara për 14 tregues performance, pjesërisht për 4 tregues performance dhe nuk janë arritur për 19 tregues performance” thuhet në raport.

Lidhur me treguesit e realizuar ministria nënvizon se ato nisnin nga sigurimi i transparencës së autoriteteve për regjistrat e kërkesë-ankesave tek tenderët dhe shërbimet elektronike.

“Janë siguruar procedura transparente të prokurimit publik duke arritur vlerën e synuar lidhur me elementet e ndryshuar në planet vjetore të prokurimit, të procedurave me negocim pa shpallje paraprake të njoftimit të kontratës si edhe të numrit të kontratave të ndryshuara gjatë vitit krahasuar me vitin e mëparshëm, duke ofruar stabilitet të këtyre treguesve.

Janë shtuar në mënyrë të ndjeshme numri i shërbimeve elektronike në funksion të plotë për përdorim nga qytetarët duke siguruar transparencë dhe lehtësi përdorimi. Deri në fund të vitit 2020 janë 1021 shërbime elektronike në funksion të plotë, 1.87 milion përdorues të platformës së shërbimeve e-Albania dhe 7.7 milion aplikime/përdorime të shërbimeve elektronike.

Janë përfunduar procedurat ligjore për mirëmbajtjen e sistemit elektronik të deklarimit online të pasurive dhe aseteve, është shpallur kompania fituese dhe përgatitja (testimi) i sistemit për të filluar nga përdorimi sipas parashikimit të bërë në planin e veprimit 2020- 2023” thuhet në dokument.

Sipas ministrisë viti 2020, është viti i pandemisë globale Covid-19, efektet e së cilës u shtrinë dhe ndikuan gjithashtu në zbatimin e këtij plani veprimi. “Aktivitetet, masat e parashikuara për zbatim përgjatë vitit 2020, vlerat e treguesve, operacionaliteti dhe funksionimi i institucioneve të përfshira në zbatimin e Planit të Veprimit janë ndikuar duke sjellë vonesa, pamundësi dhe/apo bllokim të proceseve të punës”. /Monitor

/portali DurresLajm/

Na bëni like në facebook!: 

Lajme nga e njëjta kategori

Të gjithë individët me të ardhura mbi dy milionë lekë, dhe të dypunësuarit, pavarësisht nga niveli i pageve, kanë edhe dy muaj kohë që të

Të dhënat zyrtare nga Ministria e Financave dhe ajo e Infrastrukturës tregojnë se, ndër vite ka një diferencë të lartë të kostove të puni

Shpenzimet e shqiptareve për prona jashtë vendit po rriten me shpejtësi viti pas viti duke treguar se një pjesë e fitimeve dhe kursimeve

Ministria e Financave raportoi se, detyrimet e prapambetura arritën në 23.8 miliardë lekë (194 mln euro) në vitin 2020 me një zgjerim pre

Shqipëria u rendit me çmimet më të larta të energjisë elektrike për konsumatorët familjarë në Rajon për gjysmën e dytë të vitit 2019 sipa

Kriza pandemike e cila i përçoi efektet negative të saj më së shumti në tregun e punës, ka ndikuar negativisht edhe punësimin me kohë të

Shumica e vendeve të Ballkanit, sidomos Shqipëria, e sakrifikuan shëndetin e popullatës në kohën e pandemisë për rritjen ekonomike.

Në të gjithë botën deficitet buxhetore të qeverive u rriten gjatë vitit të kaluar si rrjedhojë e krizës pandemike.

Importet e mallrave të akcizës janë rigjallëruar gjatë muajit mars duke arritur nivelet e parakrizës.

Indeksi Global i Mundësive 2021 e rendit Shqipërinë të 78-n në botë për tërheqje investimesh dhe njëkohësisht, ndër shtetet me luhatjen m