Triumfi i Ishujve Fixhi në Lojërat Olimpike “Rio 2016” në disiplinën e regbisë me shtatë lojtarë ka qenë fitimprurës për sportistët që sollën medaljen e parë të artë për këtë shtet. Qeveria e Fixhit, një shtet që zotëron 320 ishuj të vegjël, ka vendosur që t’u japë sportistëve dhe trajnerit të kombëtares një sipërfaqe prej 12 mijë metrash katrorë tokë bujqësore, secilit në ishujt. Një shpërblim për rezultatin e arritur, por edhe për faktin se kjo është medalja e parë e artë olimpike e Fixhit. Tashmë sportistët do të kenë në dispozicion një sipërfaqe të madhe toke bujqësore për ta shfrytëzuar për interesat e tyre.