DURRËS, 29 nëntor 2014 –  Futbolli do të jetë në lënde shkollore në Kinë. Tingëllon e cuditshme, por është e vërtetë. Lajmin e bëri të ditur Ministri i Arsimit, Yuan Guiren, i cili u shpreh se së shpejti futbolli do të jetë pjesë e programit shkollor njësoj si lëndet e tjera. Objektivi? Të çuarit e këtij sporti në të njëjtin nivel me sportet e tjera të sukseshme në vendin Aziatik siç është ping-pongu, noti apo gjimnastika. Kina pozicionohet në vendin e 99-të në renditjen e FIFA-s, mbrapa vendeve si Letonia e Katari.