Këngëtari i njohur Capital T ka zbuluar disa nga detajet rreth projektit “Lejla” në bashkëpunim me Elvana Gjata dhe 2Po2.
Hitin e 3 viteve më parë asnjërit prej artistëve nuk u shkon ndërmend ta xhirojnë videoklipin e këngës përsëri. Capital T shprehet në një intervistë ekskluzive për ‘ABI Backstage’ se klipi i hitit “Lejla” është padyshim më i çmenduri që ka bërë ndonjëherë.
“Te bashkëpunimi me Elvanën, menduam të bënim diçka të çmendur të tre. Nuk e besoj se do të rrezikonte ndonjë aq sa rrezikuam ne. Pjesa ime ishte komplet mbi helikopter, pa asnjë mjet sigurie, unë rrija në dritare, ndërsa kamerat filmonin nga poshtë dhe bëmë 2-3 herë. Kurse Elvana ishte më shumë në rrezik. Ishte sipër trenit, me taka dhe askund e lidhur. Kur kujtoj sot skenën kur treni kalon në urë dhe poshtë është humnerë, e kam diskutuar dhe me Elvanën, s’do ta kishim bërë kurrë”.
Kujtojmë se këngëtari po përgatitet për koncertin e madh ‘Time Capsule’ në sheshin “Nënë Tereza” i cili u shty për shkak të kushteve atmosferike.
