MIRDITE-Hidhet në erë rezervuari i sapondërtuar i ujësjellësit në Komunën Kaçinar të rrethit Mirditë. Ngjarja është shënuar gjatë natës.

Kryetari i Komunës së Kaçinarit, Petrit Bardhi bëri të ditur për News24 se shkak dyshohet një konlikt pronësie. 

I njëjti burim saktësoi se rezervuari i ujësjellësit ishte ndërtuar i ri dhe ka përfunduar prej 7 ditësh. 

Si rrjedhojë e shpërthimit kanë mbetur pa ujë të pijshëm banorët e disa fshatrave të kësaj komune.

Ngjarja është duke u hetuar për të zbuluar kush janë autorët e shpërthimit.