Edhe pse Europiani i Cristiano Ronaldo është ende një zhgënjim, madje duke humbur edhe një penallti dje ndaj Austrisë, sulmuesi portugez vazhdon të ketë fansa që e adhurojnë. Njëri prej tyre ka hyrë dje në fushë pas përfundimit të ndeshjes, duke i shpëtuar forcave të sigurisë dhe ka kërkuar një “selfie” me sulmuesin e Real Madrid. Dhe Ronaldo ia ka plotësuar dëshirën, që ka larguar forcat e sigurisë dhe ka bërë foton me fansin e tij, që rrezikoi jo pak për këtë çmenduri, për një foto me idhullin e tij.