GJIROKASTER- Policia e Gjirokastrës ka sekuestruar rreth 135.3 kilogramë mariuanë ndërsa ka shpallur në kërkim transportuesin e lëndës narkotike.
Sipas informacioneve, droga është kapur në aksin rrugor Kordhocë –Sofratikë në një automjet tip golf pa targa ndërsa drejtuesi i mjetit ka braktisur automjetin dhe nuk është bërë i mundur arrestimi i tij nga policia
Nga kqyrja që iu bë automjetit nga ana e policisë u gjetën 123 pako të mbështjella me letër natriban ,me peshë 1.1 kilogramë secila, gjithësej rreth 135.3 kilogramë mariuanë.
Ndërkohë policia ka bërë të mundur edhe identifikimin e drejtuesit të automjetit i cili është një shtetas nga fshati Lazarat por për arsye hetimi nuk bëhen publike gjeneralitetet e tij.
Sipas policisë lënda narkotike kishte si destinacion shtetin grek ndërsa materialet i kaluan Prokurorisë së Rrethit Gjyqësor Gjirokastër për veprën penale të “Prodhimit dhe shitjes të lëndëve narkotike”.
