KAVAJË, 13 gusht 2013– Një aksident me pasojë plagosjen e dy personave ka ndodhur në aksin rrugor Durrës-Kavajë, në afërsi të fshatit Qerret. Në aksident janë përfshirë dy makina, më konkretisht një ambulancë e cila udhëtonte në drejtim të Kavajës pas transportimit të një të sëmuri në Spitalin e Durrësit dhe nje  dhe një mjet  tip BMW. Nga ky aksident kanë mbetur të plagosur, drejtuesi i ambulancës dhe infermieri që udhëtonte në të, të cilët ndodhen në Spitalin e Durrësit, pa probleme serioze për jetën. Burime nga policia e këtij qyteti bëjnë me dije se shkak i aksidentit ka qenë shpejtësia e madhe me të cilën udhëtonte autoambulanca, ku gjatë ndërrimit të korsive, drejtuesi i saj ka humbur kontrollin duke u përplasur me automjetin tip BMW.