Djalit të prokurores i sekuestrohet një pistoletë në makinë

Postuar: 18/03/2018 - 08:41

   Në një raport të policisë së Kosovës thuhet se Ernest Lumezit, djali i prokurores së Prokurorisë Themelore të Prishtinës, Merita Lumezi, i është konfiskuar një pistoletë pa leje.

Raporti sqaron se pas një kontrolli i cili është kryer rreth orës 17 e 10 minuta në veturën ‘BMW’ të Lumezit është gjetur një revole 6.35 mm me një fishek.

Vetura kishte qenë e parkuar, ndërsa pronari sipas raportit ishte paraqitur pak minuta pasi policia e kishte identifikuar makinën.

Raporti i policisë sqaron se Lumezi është lënë i lirë me urdhër të prokurorit kujdestar, ndërsa nuk ka pasur urdhër për bastisje në shtëpinë e tij. Prokurori i rastit Enver Krasniqi i ka konfirmuar Kallxo.com se kanë iniciuar një rast për armëmbajtje pa leje.

“Kemi shumë telefonata, por në bazë të veprës kur janë në automjete shkojmë në procedurë të rregullt. Në bazë të veprës e di që kom inicuar rast”, ka thënë Krasniqi.

Ai ka shtuar se nuk është në dijeni që personi të cilit i është gjetur arma në makinë ishte djali i koleges së tij Merita Lumezi, ndërsa ka thënë se në raste të tilla nuk zhvillojnë bastisje në shtëpitë e të dyshuarve.

Prokurorja Lumezi ka thënë se nuk ka informacione se djalit të saj i është gjetur ndonjë armë.
“Nuk kam informacion për këtë gjë”, ka thënë Lumezi. Ajo nuk ka pasur përgjigje edhe në pyetjen nëse Prokuroria e Prishtinës duhet të vazhdojë të merret me këtë rast

“Të lutem nuk po dua të përgjigjem asgjë, sepse nuk kam asnjë informacion”, ka thënë Lumezi.
Kryeprokurori i Prishtinës Imer Beka ka konfirmuar se kanë informacione se djalit të prokurores i është konfiskuar një revole.

“Po është e vërtetë që është konfiskuar dhe i dyshuari është lënë në procedurë të rregullt. Ne jemi të njoftuar se është djali i prokurores por ne do të bënim padrejtësi nëse do e mbanim në paraburgim për shkak se deri më tani praktika na tregon që në rast se revolja nuk përdoret të dyshuarit dërgohen në procedurë të rregullt”, tha ai.

Beka ka shtuar se ditëve në vijim do e diskutojnë nëse prokuroria e Prishtinës do vazhdoj me hetimin e këtij rasti apo do kërkojnë që ai të delegohet në një prokurori tjetër për shkak se nëna e të dyshuarit punon në këtë prokurori. /Kallxo.com

/portali DurresLajm/

Na bëni like në facebook!: 

Lajme nga e njëjta kategori

   Erërat e forta që kapluan të hënën Prishtinën, shkaktuan plagosjen e një personi nga xhamat që u thyen në bibliotekën "Hivzi Sylejmani

   Kryeministri i Kosovës Ramush Haradinaj ka udhëtuar sot për në SHBA, për një vizitë zyrtare në New York dhe Washington, ku do të zhvil

Presidenti i Kosovës Hashim Thaçi ka shkruar në lidhje me Ditën Ndërkombëtare të Paqes, duke thënë se rëndësinë e saj e dinë më së miri v

   22 persona janë arrestuar për përfshirje dhe shfrytëzim prostitucioni në Kosovë.

Kosova vazhdoi t’i kundërvihet kërcënimit gjithnjë në rritje të terrorizmit në vitin 2017, thuhet në raport.

   Kryeministri i Kosovës, Ramush Haradinaj, tha mbrëmjen e së mërkurës në Tv Klan se është edhe do të mbetet kundër çdo marrëveshje me S

   Ministri i Drejtësisë, Abelard Tahiri po qëndron në një vizitë zyrtare në Gjermani me ftesë të Ministres Federale të Drejtësisë dhe Mb

Ambasadorja e Shteteve të Bashkuara në Bosnje dhe Hercegovinë, Maureen Cormack, në një intervistë për Radion Evropa e Lirë ka thënë se po

   Kryeministri i Kosovës Ramush Haradinaj tha të hënën korrigjimi i kufijve rrezikon kthimin në të kaluarën tragjike, ndërsa bisedimet m

   Të dhënat e Agjencisë së Statistikave të Kosovës bëjnë të ditur se shkalla e papunësisë në Kosovë është rritur.