Zëdhënësja e KE: Rrëzimi i qeverisë e shpie Kosovën në një situatë të vështirë

26/03/2020 - 12:46

Ana Pisonero, zëdhënëse e Komisionarit Evropian për Zgjerim, Fqinjësi dhe Partneritet Ndërkombëtar, përmes një postimi në rrejtin social Twitter, tha se rrëzimi i qeverisë e shpie Kosovën në një situatë të vështirë politike në kohën e përballjes me koronavirusin.

Ajo bëri thirrje që liderët politikë të veprojnë me përgjegjësi në interesin e popullit.

“Ajo çfarë i duhet Kosovës është stabilitet dhe përpjekje për të luftuar koronavirusin dhe mbrojtje të shëndetit të qytetarëve. Hapat tjerë pas votës së mosbesimit duhet të jetë në përputhje me Kushtetutën e Kosovës”, tha ajo, raporton REL.

Kuvendi i Kosovës më 25 mars me shumicë votash miratoi mocionin e mosbesimit ndaj qeverisë së udhëhequr nga Albin Kurti. Mocioni u paraqit me iniciativën e Lidhjes Demokratike të Kosovës.

Shkas për këtë, sipas zyrtarëve të LDK-së, ishin mospajtimet mes partnerëve të koalicionit për shfuqizimin e tarifës ndaj mallrave serbe dhe shkarkimi i ministrit të Punëve të Brendshme, Agim Veliut nga ana e kryeministrit Kurti.

LDK-ja kërkonte shfuqizimin e plotë të tarifës, ndërkaq kryeministri Kurti filloi shfuqizimin gradual të saj, dhe theksonte se do të vendoste masën e reciprocitetit të plotë tregtar dhe politik me Serbinë.

Kurti e shkarkoi nënkryetarin e LDK-së, Agim Veliu nga pozita e ministrit, pasi ai mbështeti propozimin e presidentit të Kosovës, Hashim Thaçi për shpalljen e gjendjes së jashtëzakonshme për shkak të pandemisë së koronavirusit të ri.

/portali DurresLajm/

Na bëni like në facebook!: 

Lajme nga e njëjta kategori

Hoxha i fshatit Smrekonicë të Vushtrrisë është infektuar me koronavirus. Lajmi konfirmohet nga kryetari i komunës Xhafer Tahiri.

Në një kohë kur tubimet, festat, grumbullimet e njerëzve, varrimet dhe dasmat janë të ndaluara si pjesë e masave për të parandaluar përha

Ambasadori i Britanisë së Madhe në Kosovë, Nicholas Abbott, përmes një postimi të bërë në Facebook, u bëri thirrje politikanëve kosovarë,

Në Prishtinë Policia ka gjetur një zgjidhje të padëgjuar më parë për të shmangur grumbullimet masive.

Ambasada amerikane në Prishtinë bëri thirrje të dielën që të lihen anash ndarjet ndërmjet komuniteteve në kohën e përballjes më virusin C

Instituti Kombëtar i Shëndetit Publik ka njoftuar se edhe tri raste të reja kanë rezultuar pozitive me COVID-19 pas testimit të 138 mostr

Gjatë ditës së sotme, në Laboratorin e Mikrobiologjisë Molekulare në IKSHPK me metodën RT-PCR, janë testuar 105 mostra të marra nga raste

Kërkesa e presidentit të Kosovës, Hashim Thaçi, një ditë më parë, ndaj liderit të Lëvizjes Vetëvendosje, Albin Kurti, që të propozojë kan

Qeveria në detyrë e Kosovës, ka miratuar vendimet për shkarkimin e bordit të Kompanisë Rajonale e Ujësjellësit “Prishtina” dhe të Postës

Pas takimeve që ka pasur me liderët e partive politike në vend, presidenti i Kosovës, Hashim Thaçi, ka marrë vendim për formimin e një qe