Durrës, 13 raste të mashtrimit me Policë Sigurimi, prangoset i riu

01/10/2019 - 10:02

Finalizohet në Durrës operacioni policor i koduar "Siguracioni", për goditjen e falsifikimit të siguracionit të automjeteve.

Operacioni nga Seksioni për Hetimin e Krimeve Ekonomike dhe Financiare në D.V.P Durrës, në bashkëpunim me Prokurorinë e Rrethit Gjyqësor Durrës ka prangosur një 21-vjeçar nga Dibra.

Dokumentohen 13 raste të mashtrimit me Policë Sigurimi për automjete të qytetarëve që udhëtonin nga Italia për në Shqipëri.

NJOFTIMI I POLICISË

Seksioni për Hetimin e Krimeve Ekonomike dhe Financiare në D.V.P Durrës, pas denoncimeve të shumta të qytetarëve që udhëtonin nga Bari, Itali për në Shqipëri me automjete dhe kishin prerë siguracion  për automjetet e tyre në portin e Barit, të cilat pas kontrollit nga Policia kishin rezultuar të falsifikuara, referoi materialet në Prokurori dhe regjistroi procedimin penal për zbardhjen e këtyre rasteve.

Pas një hetimi dymujor, në bashkëpunim me Prokurorinë e Rrethit Gjyqësor Durrës, Seksioni për Hetimin e Krimeve Ekonomike dhe Financiare në D.V.P Durrës finalizoi operacionin policor “Siguracioni”, si rezultat i të cilit u bë ndalimi i shtetasit:

F. B., 21 vjeç, banues në Dibër, për veprat penale "Falsifikimi i letrave me vlerë", "Mashtrimi" dhe "Falsifikimi i vulave, stampave ose formularëve".

Nga hetimet e kryera rezulton se ky shtetas gjatë muajit korrik 2019, në Portin e Barit, Itali, ka falsifikuar 13 Siguracione (TPL), në emër të  shoqërive të ndryshme sigurimi,   për automjetet që hyjnë në Shqipëri.

Ndërkohë po vazhdon puna për dokumentimin e plotë të kësaj veprimtarie kriminale, si dhe vënien para përgjegjësisë ligjore të personave të tjerë të implikuar.

Materialet procedurale i kaluan për veprime të mëtejshme Prokurorisë Pranë Gjykatës së Shkallës së Parë Durrës.

/portali DurresLajm/

Na bëni like në facebook!: 

Lajme nga e njëjta kategori

Policia ka arrestuar një 43-vjeçar në Shkodër pasi ka plagosur me armë zjarri pas një konflikti të çastit, Drejtorin e Ujësjellësit në Ba

Intensifikohen kontrollet e territorit, nga toka dhe ajri, me qëllim parandalimin, evidentimin dhe goditjen e tentativave për të kultivua

Një 35-vjeçar është arrestuar nga Policia e Vlorës, pasi ka dhunuar një punonjës të OSHEE-së për motive të dobëta.

Një aksident i rëndë është regjistruar mesditën e sotme në rrugën dytësore Durrës-Tiranë me pasojë vdekjen.

Dalin emrat e grupit nga Durrësi që funksiononte duke nxjerrë emigrantë ilegalisht drejt BE-së kundrejt fitimit 1000 deri në 2500 euro.

Policia e Tiranës finalizon operacionin e koduar “Akciza” për goditjen e veprimtarisë kriminale në fushën e kontrabandës me mallra për të

Një 80- vjeçar ka ndërruar jetë në bregdetin e Durrësit i cili dyshohet se ka pësuar arrest kardiak.

Talo Çela është sot një nga më të kërkuarit e policisë shqiptare.

Një 40-vjeçar është paraqitur sot në spitalin e Kurbinit për të mjekuar një plagë të marrë në krahun e tij.