Katër persona mbetën të lënduar ditën e sotme, pas shpërthimit të një bombole gazi në zonën e ish-Bllokut.
Ngjarja ndodhi në rrugën “Vaso Pasha”, në një dyqan tullumbacesh për organizimin e eventeve.
Personat e plagosur janë dërguar drejt spitalit, ndërsa nuk dihet gjendja e tyre shëndetësore.
Policia nuk jep detaje se si ndodhi ngjarja, por paraprakisht dyshohet se shpërthimi ka ardhur si pasojë e rrjedhjes së gazit helium, që shërben për mbushjen e tullumbaceve.
Shpërthimi ka qenë i fuqishëm, ndërsa forca të shumta policore dhe zjarrfikëse kanë rrethuar zonën dhe pritet të evakuojnë pallatin, pasi tymi i madh rrezikon të asfiksojë edhe banorë të tjerë.
Njoftimi i plotë i policisë:
Tiranë/Informacion Paraprak
Rreth orës 13:15 në rrugën “Vaso Pasha” në ambientet e një dyqani eventesh ka shpërthyer një bombul gazi.
Si pasojë e shpërthimit janë dëmtuar shtetasit S. P dhe A. P, E. N dhe D.S., të cilët u dërguan në Spital për ndihmë mjekësore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes.