11shtator 2015 – Kulla rrethore në kodrën e Durrësit aktualisht është kthyer në një ballkon “belvedere” mjaft të frekuentuar nga qytetarët, e veçanërisht nga të rinjtë.
Pamja e qytetit deri në kodrat përballë tij, si dhe imazhi i portit më të madh të vendit janë dy nga elementët që sjell shëtitja mbi kodër dhe vizita në kullën e vogël rrethore. Shoqëruar edhe me fotot e shumta të vizitorëve.
100 vjet më parë, ajo shërbente si magazinë armatimi dhe siç shihet edhe në këto foto të hershme bardhë e zi nga mjediset pranë saj na mbërrijnë vetëm foto të ushtarakëve të armatosur. Sipas historianëve, kulla e vogël rrethore është ndërtuar gjatë pushtimit venecian (1392 – 1501).
Para një viti, kulla u restaurua nga specialistët e DRKK dhe u kthye në një ballkon mbi qytet, që vizitohet masivisht nga të gjitha moshat.
/portali DurresLajm/
