Arkeologët italianë zbarkojnë në Amfiteatrin e Durrësit (VIDEO)

12/07/2018 - 15:28

Pas gërmimeve nga francezët, arkeologët italianë zbarkojnë në amfiteatër. Një ekspeditë e përbashkët arkeologjike italo-shqiptare, ka nisur gërmimet në amfiteatrin e Durrësit.

Gërmimet do të zgjasin tre javë dhe kanë nisur në pjesën jug-lindore të tij. Gërmimet janë në fazën e parë dhe tashmë me zhvendosjen e banesave të vjetra sipër arenës së tij, pritet të zgjerojnë zonën e gërmimeve.

Arkeologët shqiptarë po punojnë së bashku me homologët e tyre italianë nga universiteti i Kietit. Gjatë viteve të kaluara arkeologët shqiptarë kanë realizuar disa ekspedita të ngjashme me arkeologët italianë të universitetit të Parmës. Në muajin qershor ishte ekspedita arkeologjike shqiptaro-franceze që gjatë gërmimeve, ka nxjerrë në dritë disa objekte që datojnë të shekullit II-të apo të III-të pas Krishtit.

Struktura të shtresave të hershme, si enë qeramike balte e qelqi, bizhuteri, enë bronxi si dhe struktura të tjera. Sipas arkeologut Eduart Shehi, tregojnë braktisjen e menjëhershme të një banese të rrëzuar në mënyrë dramatike.

Gjatë punës së tyre arkeologët kanë zbuluar fragmente muresh që i përkasin shtresëzimit të periudhës romake. Gërmimet, u kryen në pjesën jugore të Forumit për të bërë lidhjen midis banjave që i përkasin periudhës romake që gjenden poshtë pallatit të kulturës.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Regjisori italian Franco Zeffirelli është ndarë nga jeta në moshën 96 vjeçare.

Hapësira nënujore e bregdetit shqiptar ka një trashëgimi kulturore nënujore shumë të pasur, e cila nëse do të dokumentohej, certifikohej

Violinisti i madh durrsak Florian Vlashi njofton në faqen e vet në FB se, së bashku me kompozitorin e shquar durrsak Haig Zacharian, do t

Qemal Vrioni është një figurë interesante intelektuale e Durrësit.

Një thesar me monedha argjendi i zbuluar në Durrës [në vitin 2006?].

Durrsaku Loer Kume është shpallur fituesi i madh i “Çmimit Kadare” për vitin 2019.

*Pas 18 vitesh punë, duke inventarizuar dhe restauruar mbi 6 ton terakota, monedha dhe enë qeramike të zbuluara në Durrës në

Mjeshtri i madh i skenës, një prej themeluesve të teatrit “Aleksandër Moisiu”, Lutfi Hoxha, ka mbushur 85 vjeç.