Fillimi i punës para orës 10 është e barabartë me torturat

18/02/2020 - 12:47

Sipas National Post, një studim i ri thotë se stafi që fillon punën para orës 10 të mëngjesit është e "barabartë me torturat" dhe po i bën punonjësit të sëmurë, të rraskapitur dhe të stresuar.

Sipas hulumtimeve të bëra nga Dr. Paul Kelley në Universitetin e Oksfordit, fillimi i punës ose shkollës pas orës 10 të mëngjesit mund të jetë ndryshimi thelbësor që trupat tanë kanë nevojë. Rivendosja me orët e brendshme të trupit tonë mund të na kursejë jo vetëm energjinë dhe qelizat nervore, por edhe qindra apo edhe mijëra dollarë që përfundojmë t’i shpenzojmë për vizitat në spital.

Eksperimentet që studiojnë ritmet cirkadian sugjerojnë që fëmijet e moshës tetë deri në dhjetë vjeç duhet të fillojnë shkollën jo më herët se ora 8:30, ndërsa mbi moshën 16 vjeç duhet të fillojnë në orën 10 të mëngjesit.

"Stafi zakonisht është i privuar nga gjumi. Kemi një shoqëri të privuar nga gjumi. Është jashtëzakonisht e dëmshme për sistemet e trupit, sepse ju po ndikoni në sistemet fizike emocionale dhe të performancës në trup. Mëlçia dhe zemra juaj kanë modele të ndryshme dhe ju po kërkoni nga ata të zhvendosin dy ose tre orë. Kjo është një çështje ndërkombëtare. Të gjithë vuajnë dhe askush nuk po bën asgjë", shprehet Dr. Paul Kelley.

Dihet mirë që mungesa e gjumit adekuat shoqërohet me një sërë pasojash serioze shëndetësore, duke filluar nga depresioni dhe ankthi deri te sëmundjet e zemrës, mbipesha, presioni i lartë i gjakut dhe kanceri.

Doktor Kelley thotë se studentët në Britani të Madhe po humbnin rreth 10 orë gjumë në javë sepse ishin të detyruar të ngriheshin shumë herët. Pra, për të "përmirësuar cilësinë e jetës për brezat e tërë të fëmijëve", ai bën thirrje për ndalimin e fillimit të hershëm në shkolla, kolegje dhe universitet.

/portali DurresLajm/

Na bëni like në facebook!: 

Lajme nga e njëjta kategori

Një foshnje vetëm një ditëshe ka humbur jetën, pasi nëna e saj u prek nga koronavirusi dhe realizoi lindje të parakohshme.

Dy ditë më parë, Pink zbuloi se ajo dhe djali i saj rezultuan pozitivë ndaj testeve të Koronavirusit.

Shumë nga durrsakët, përveç atyre që i kanë shtëpitë me pamje nga deti, nuk mund ta shijojnë perëndimin e diellit në këtë fillim pranvere

Një kometë pesë herë më e madhe se Jupiteri dhe sa rreth gjysma e Diellit, do të shfaqet më e ndritshme se Venera dhe do të shihet nga To

E shtuna e 4 prillit do të duhej të ishte dita më e lumtur për infermierën shqiptare që jeton dhe punon në Itali, Elona Gaxha.

Një tigër 4-vjeçar ka rezultuar pozitiv me koronavirus në kopshtin zoologjik Bronx në New York të SHBA-së.

Karantina ka lënë edhe një nga futbollistët më të mirë në botë pa berber.

Familja Kennedy është tronditur sërish nga një ngjarje e rëndë pasi mbesa e Robert Kennedy është zhdukur së bashkë me djalin e saj të vog