Një makinë tip “Benz” ka marrë flakë në ecje në fshatin “Livadh” në Himarë. Mësohet se drejtuesja e mjetit ka qenë një 25-vjeçare.
Sipas informacioneve të policisë, shkak dyshohet të jetë bërë një shkëndi elektrike në baterinë e automjetit.
Sakaq në vendngjarje kanë mbërritur patrulla e Policisë dhe shërbimet zjarrfikëse.
Njoftimi i policisë:
Himarë/Informacion paraprak
Rreth orës 21:30, në fshatin “Livadh”, Himarë, ka marrë flakë në ecje automjeti tip Benz, me drejtuese shtetasen XH. B., 25 vjeçe, banuese në Tiranë.
Patrulla e Policisë dhe Zjarrëfikësit shkuan menjëherë në vendngjarje.
Nga zjarri nuk ka të lënduar, por vetëm dëme materiale dhe paraprakisht dyshohet për shkëndi elektrike në baterinë e automjetit.
Grupi hetimor po punon për sqarimin e plotë të rrethanave të ngjarjes dhe përcaktimin e saktë të shkakut të rënies së zjarrit.
