Kremlini do të njoftojë së shpejti raundin e ardhshëm të bisedimeve të drejtpërdrejta midis Rusisë dhe Ukrainës, tha ministri i jashtëm rus Sergei Lavrov para udhëheqësve të mbledhur në samitin e sigurisë në Moskë.
Ai tha gjithashtu se Moska do të këmbëngulë që Kievi të shfuqizojë të gjitha “ligjet diskriminuese” në Ukrainë në raundin e ri të negociatave të drejtpërdrejta.
“Në këto negociata më 16 maj në Stamboll, kur ato rifilluan, ne këmbëngulëm në heqjen e të gjitha ligjeve diskriminuese dhe do të vazhdojmë ta bëjmë këtë në raundin tjetër të negociatave të drejtpërdrejta, të cilat do t’i shpallim në një të ardhme shumë të afërt”, tha ai.
“Dua të theksoj se ne gjithmonë, për shumë vite, para operacionit ushtarak special dhe pas fillimit të tij, i kemi propozuar dhe vazhdojmë t’i propozojmë palës ukrainase zgjidhjen e të gjitha problemeve, të cilat po bëhen gjithnjë e më serioze çdo vit, përmes dialogut dhe diplomacisë.”
Duhet theksuar këtu se bisedimet e para të drejtpërdrejta midis Rusisë dhe Ukrainës në më shumë se tre vjet u zhvilluan më 16 maj, por dështuan të prodhonin një marrëveshje armëpushimi.
Volodymyr Zelenskyy fluturoi për në Turqi për bisedime dhe e sfidoi Vladmir Putinin të takohej me të atje, por udhëheqësi rus nuk e bëri këtë.
