26shtator 2015 – Që nga mbrëmja e së premtes, njëlloj si Korça apo Tirana, edhe Durrësi ka festën e tij të birrës. Mijëra qytetarë kanë festuar nën tingujt e muzikës, ndërsa sheshi qendror “Liria” i saporindërtuar është kolauduar edhe në përmasën e festave gastronomike.
Veprimtaria e titulluar “Festa e miqësisë” do të jetë e hapur edhe në dy ditët e fundjavës, duke i dhënë shtatorit një atmosferë të këndshme.
Një festë tjetër e përmasave më modeste është parashikuar të dielën pasdite në shëtitoren “Taulantia”. Një tjetër biznes privat ka ftuar qytetarët në mbrëmjen e shijimit të çajit. Durrësi po dëshmon se di të organizojë festa edhe kur turistët janë larguar.
/portali DurresLajm/
