Sipas Meteoalb, vendi këtë të shtunë do të mbizotërohet nga alternime kthjellimesh dhe vranësirash duke sjellë mot të vranët në të gjithë vendin. Pritet të ketë dhe intervale të shkurtra me reshje.

Temperaturat do të pësojnë rritje të lehtë ku do të variojnë: në zonat malore, nga 08°C në 14°C, në zonat e ulëta nga 15°C në 21°C dhe në zonat bregdetare nga 18°C në 24°C.

Era do të fryjë në drejtim Jugor ndërsa forca e valëzimit në det do të jetë 3-4 ballë.