Plagosja me thikë, 41 vjeçari tek Trauma jashtë rrezikut për jetën, autori në kërkim

Pas një konflikti të çastit në Kuçovë, në lagjen “Llukan Prifti” një 41 vjeçar është plagosur me mjet prerës.

I plagosuri me inicialet E.B. është dërguar në Spitalin e Traumës dhe është jashtë rrezikut për jetën.

Policia ka bërë të mundur identifikimin e autorit të plagosjes dhe është një shtetas 24 vjeçar me inicialet B.A., banues në Kuçovë.

Njoftimi i Policisë:

Kuçovë

Plagosi me mjet prerës (thikë) një 41-vjeçar, për shkak të një konflikti të çastit ndërmjet tyre, Policia identifikon autorin dhe vijon punën për kapjen e tij.

Si rezultat i veprimeve hetimore të kryera nga shërbimet e Komisariatit të Policisë Kuçovë, për plagosjen e shtetasit E. B., të kryer mbrëmë, në lagjen “Llukan Prifti”, për shkak të një konflikti të çastit, u bë i mundur identifikimi i autorit të këtij rasti, shtetasit B. A., 24 vjeç, banues në Kuçovë.

I dëmtuari, shtetasi E. B. vijon të marrë asistencë mjekësore në Spitalin e Traumës, ku është jashtë rrezikut për jetën.

Ndërkaq, Policia vijon punën për kapjen e shtetasit B. A. dhe për zbardhjen e plotë të rrethanave të këtij konflikti.